‘మా నాన్న సూపర్ హీరో’ టీజర్‌కు డేట్ ఫిక్స్.. క్లాస్ లుక్‌లో టాలీవుడ్ హీరో

దిశ, సినిమా: టాలీవుడ్ హీరో సుధీర్ బాబు వరుస సినిమాల్లో నటిస్తూ దూసుకుపోతున్నాడు. ప్రయోగాత్మక కథలు ఎంచుకుంటూ ప్రేక్షకులను అలరిస్తున్నాడు. సినిమా హిట్ ఫ్లాప్ అని పట్టించుకోకుండా వరుస ప్రాజెక్టులతో ముందడుగు వేస్తున్నాడు. ఇటీవల సుధీర్ బాబు ‘హరోం హర’ మూవీతో ప్రేక్షకుల ముందుకు వచ్చాడు. ఈ మూవీ బాక్సాఫీసు వద్ద మిక్స్‌డ్ టాక్ సొంతం చేసుకుంది. అయితే ఇందులో ఓ ఆసక్తికర విషయాన్ని సుధీర్ బాబు వెల్లడించాడు.

తన పేరు ముందు దళపతి అనే ట్యాగ్ తగిలించుకున్నాడు. ఇదిలా ఉంటే.. ప్రజెంట్ సుధీర్ బాబు ‘మా నాన్న సూపర్ హీరో’ అనే క్లాస్ సినిమాతో ప్రేక్షకుల ముందుకు రాబోతున్నాడు. ఈ చిత్రాన్ని అభిలాష్ కంకర తెరకెక్కిస్తున్నాడు. దీనిని క్యామ్ ఎంటర్‌టైన్మెంట్స్, v సెల్యూలాయిట్స్ సంయుక్తంగా నిర్మిస్తున్నాయి. తాజాగా, మా నాన్న సూపర్ హీరో సినిమా నుంచి సుధీర్ బాబు క్లాస్ లుక్‌‌ను మేకర్స్ ట్విట్టర్ వేదికగా రిలీజ్ చేశారు.

అందులో స్కూటర్ మీద వెళ్తూ ఎదురుగా వస్తున్న పిల్లలకు హాయ్ చెబుతున్నట్లు ఉన్న లుక్ అందరినీ ఆకట్టుకుంటోంది. డిలైట్ ఫుల్ గా వుంది. తన చిరునవ్వు పోస్టర్‌కి పర్ఫెక్ట్ టచ్ యాడ్ చేసింది. అయితే ఈ సినిమా టీజర్ సెప్టెంబర్ 12న విడుదల కాబోతున్నట్లు చిత్రబృందం అధికారికంగా ప్రకటించింది. అలాగే ఈ మూవీని దసరాకు విడుదల చేయబోతున్నట్లు సమాచారం.