Rana Daggubati :ఇండిగో ఎయిర్ లైన్స్‌పై Rana షాకింగ్ కామెంట్స్

దిశ, డైనమిక్ బ్యూరో: దేశంలోనే చౌక విమానయాన సంస్థ గా పేరొందిన ఇండిగో ఎయిర్ లైన్స్‌పై టాలీవుడ్ హీరో దగ్గుబాటి రానా షాకింగ్ కామెంట్స్ చేశారు. ఇండియాలోనే అత్యంత చెత్త ఎయిర్ లైన్ అంటూ ఇండిగో ఎయిర్ లైన్ ని ట్యాగ్ చేస్తూ ట్వీట్ చేశారు.ఫ్లైట్ టైమింగ్స్ పై సరైన సమాచారం ఇవ్వడం లేదని, మిస్ అయిన లగేజ్‌ని కూడా వెతికి ఇవ్వలేదని అసహనం వ్యక్తం చేశారు. సిబ్బంది నుంచి ఎటువంటి సమాచారం లేదని మండిపడ్డారు.

మరి ఇంత దారుణంగా ఉంటుందా అంటూ రాణా తీవ్ర స్థాయిలో మండిపడ్డారు. దీంతో, ఇండిగో ఎయిర్ లైన్ పై రాణా చేసిన కామెంట్స్ వైరల్ అవుతున్నాయి. కాగా, ఇప్పటికే ఓ సారి నటి పూజా హెగ్డే కూడా ఇండిగో ఎయిర్ లైన్స్ పై మండిపడింది. ఇండిగో స్టాఫ్ మెంబర్ దురుసుగా ప్రవర్తించాడని నటి కంప్లైంట్ చేసిన సంగతి తెలిసిందే. తాజాగా హీరో రానా కూడా ఇండిగో ఎయిర్ లైన్స్ పై చేసిన కామెంట్స్ చర్చనీయాంశంగా మారాయి.