Thangalaan Teaser : చేతితోనే పామును రెండు ముక్కలు చేసిన విక్రమ్.. భయపెడుతున్న టీజర్

దిశ, సినిమా: కోలీవుడ్ స్టార్ హీరో చియాన్‌ విక్రమ్, పా రంజిత్ కాంబోలో వస్తున్న ‘తంగలాన్’ నుంచి సాలిడ్ అప్ డేట్ ఇచ్చారు మేకర్స్. ఇప్పటికే ఈ సినిమా నుంచి విడుదలైన ఫ‌స్ట్ గింప్ల్స్‌కు ప్రేక్షకుల నుంచి భారీ రెస్పాన్స్ వస్తుండగా తాజాగా మూవీ టీజ‌ర్ విడుద‌ల చేశారు. ఇక టీజ‌ర్ చూస్తే.. తమిళ్‌ అడ్వెంచరస్‌ హిస్టారికల్ డ్రామా నేపథ్యంలో ఈ సినిమా తెరకెక్కుతున్నట్లు తెలుస్తుండగా.. ఊరి చివ‌ర నివ‌సిస్తూ ఉండే ప్రజ‌ల‌కు, ఆంగ్లేయులకు మధ్య యుద్ధ సన్నివేశాలు క‌నిపిస్తున్నాయి. ఇందులో విక్రమ్ ఒక వైపు కత్తి పట్టుకొని అందరిని నరికేస్తూ.. మ‌రోవైపు పాముని రెండు ముక్కలుగా చేసి పడేస్తున్నట్టు చాలా భయంకరంగా క‌నిపించాడు. మొత్తంగా బంగారం, రక్తం, కన్నీటి చుట్టూనే ఈ కథ తిరగబోతున్నట్లు తెలుస్తుండగా టీజర్ చూసిన ప్రేక్షకులు చెమటలు పడుతున్నాయంటూ కామెంట్స్ చేస్తున్నారు.

ఇక స్టూడియో గ్రీన్, నీలమ్ ప్రొడక్షన్స్ బ్యానర్లపై కేఈ జ్ఞానవేళ్‌ రాజా నిర్మిస్తున్న సినిమాలో మాళవికా మోహనన్‌, పార్వతి తిరువొతు ఫీ మేల్‌ లీడ్ రోల్స్‌లో నటిస్తున్నారు. శుపతి, డానియెల్‌ కల్టగిరోన్‌ కీలక పాత్రల్లో కనిపించనున్నారు. జీవీ ప్రకాశ్‌ కుమార్‌ సంగీతం అందిస్తున్న ఈ మూవీ 2024 జనవరి 26న విడుదలకానుంది.