చిరంజీవి ‘విశ్వంభర’ మూవీలో విలన్ పాత్ర ఎంట్రీ.. పోస్టర్ రిలీజ్ చేసిన మేకర్స్

దిశ, సినిమా: టాలీవుడ్ స్టార్ హీరో మెగాస్టార్ చిరంజీవి, త్రిష కాంబినేషన్‌లో తెరకెక్కుతున్న సినిమా ‘విశ్వంభర’. ఈ సినిమాకు వశిష్ట దర్శకత్వం వహిస్తుండగా.. ఇందులో అషికా రంగనాథ్ కూడా కీలక పాత్రలో కనిపించనుంది. ప్రస్తుతం ఈ మూవీ షూటింగ్ శర జరుగుతుండగా.. మేకర్స్ అప్డేట్స్ ఇస్తూ ప్రేక్షకుల్లో ఆసక్తిని పెంచుతున్నారు. ఇప్పటికే విశ్వంభర నుంచి విడుదలైన పోస్టర్స్ మంచి ఆదరణను పొందాయి. అయితే మెగాస్టార్ ఫ్యాన్స్ మూవీ రిలీజ్ కోసం ఎన్నో ఆశలతో ఎదురుచూస్తున్నారు.

ఇదిలా ఉంటే.. తాజాగా, విశ్వంభర మూవీ నుంచి డైరెక్టర్ వశిష్ఠ అప్డేట్‌ను విడుదల చేశాడు. విశ్వంభరలో విలన్‌గా బాలీవుడ్ నటుడు కునాల్ కపూర్ నటిస్తున్నట్లు పోస్టర్ రిలీజ్ చేశారు. వెల్ కమ్ ఆన్ బోర్డు అని రాసుకొచ్చాడు. ప్రస్తుతం కునాల్ పోస్టర్ వైరల్ అవుతుండగా.. నెటిజన్లు ఎవరికి తోచినట్టు వారు మాట్లాడుతున్నారు. కాగా, ఇప్పటికే కునాల్ కపూర్ పలువురు టాలీవుడ్ స్టార్స్ మూవీస్‌లో చేశాడు. ఇప్పుడు చిరుతో నటిస్తుండటంతో.. విశ్వంభర రిలీజ్ తర్వాత కునాల్ కపూర్ క్రేజ్ మారిపోనుందని మెగా ఫ్యాన్స్ అంటున్నారు.