HYD: కాసేపట్లో నటుడు చంద్రమోహన్ అంత్యక్రియలు

దిశ, వెబ్‌డెస్క్: ప్రముఖ సీనియర్ నటులు చంద్రమోహన్ రెండ్రోజుల క్రితం కన్నుమూసిన విషయం తెలిసిందే. హైదరాబాద్ అపోలో ఆస్పత్రిలో చికిత్స పొందుతూ తుదిశ్వాస విడిచారు. ఇవాళ(సోమవారం) ఆయన అంత్యక్రియలు పంజాగుట్ట శ్మశాన వాటికలో జరుగనున్నాయి. ఈ విషయాన్ని కుటుంబ సభ్యులు వెల్లడించారు. అయితే ఆయన శనివారం మరణించినా పెద్ద కుమార్తె మధుర మీనాక్షి అమెరికా నుంచి రావాల్సి రావడంతో అంత్యక్రియలు ఆలస్యమయ్యాయి. చంద్రమోహన్‌కు ఇద్దరు కుమార్తెలు కాగా, పెద్ద కుమార్తె అమెరికాలో సైకాలజిస్టుగా పనిచేస్తున్నారు. ఆమె నిన్న హైదరాబాద్ చేరుకున్నారు. ఈరోజు చంద్రమోహన్ అంత్యక్రియలు నిర్వహిస్తామని బంధువులు చెబుతున్నారు.