రామ్ చరణ్ కూతురికి ఆయాగా పనిచేసిన స్టార్ హీరోయిన్ ఎవరో తెలిస్తే షాక్?

దిశ, వెబ్‌డెస్క్: రామ్ చరణ్-ఉపాసన పెళ్లైన పదేళ్లకు హైదరాబాదులోని అపోలో హాస్పిటల్‌లో పండంటి ఆడబిడ్డకు జన్మనిచ్చిన విషయం తెలిసిందే. మెగా ప్రిన్సెస్ రాకతో ఉపాసన-చరణ్ దంపతులతో పాటు మెగా ఫ్యామిలీ మొత్తం ఆనందంలో మునిగి పోయారు. ఈ బుజ్జాయికి క్లీంకార అని నామకరణం కూడా చేయించారు. ఇకపోతే తాజాగా క్లీంకారాకు 6 నెలలు పడడంతో ముంబైలోని మహాలక్ష్మి ఆలయంలో ప్రత్యేక పూజలు చేయించారు. ప్రస్తుతం ఈ కార్యక్రమానికి సంబంధించిన పిక్స్ సోషల్ మీడియాలో వైరల్ అవుతున్నాయి. ఇదిలా ఉంటే.. బాలీవుడ్ స్టార్ హీరోయిన్ కరీనా కపూర్ క్లీంకారకు సేవ చేసిందంటూ నెట్టింట ఓ వార్త చక్కర్లు కొడుతోంది. కరీనా ఈ పాపకు సేవ చేయడమేంటి? అని ఆశ్చర్యపోతున్నారా? విషయానికొస్తే.. ‘చరణ్- ఉపాసన ఒక ఫంక్షన్ కోసం ముంబయికి వెళ్లాల్సి వచ్చిందట.

ఈ విషయం తెలుసుకున్న కరీనా వారిని కలిసిందట. ఫంక్షన్‌కు క్లీంకారను తీసుకెళ్లడం అంత మంచిదని, తన ఇంట్లో వదిలేసి వెళ్లమని చెప్పిందట. దీంతో వారు మెగా ప్రిన్సెస్‌ను కరీనాకపూర్ ఇంట్లో ఉంచి వెళ్లారట. కాగా ఉపాసన- చరణ్ వచ్చేవరకు క్లీంకారకు.. కరీనా ఆయాగా అన్ని పనులు చేసి పెట్టిందని బాలీవుడ్ ఇండస్ట్రీలో ఓ న్యూస్ వైరల్ అవుతుంది. అలాగే గతంలో కరీనా ఇంట్లో ఆయాగా చేసిన పనిమనిషిని పాపకు పనిమనిషిగా పెట్టుకోండని సజెషన్ కూడా ఇచ్చిందట. ఈ వార్త ఎంతవరకు నిజమో తెలియదు కానీ ప్రస్తుతం సోషల్ మీడియాలో తెగ ట్రెండ్ అవుతోంది. దీంతో రామ్ చరణ్ ఫ్యాన్స్ కరీనాపై పొగడ్తల వర్షం కురిపిస్తున్నారు.