Nandamuri Mokshajna Teja:నందమూరి అభిమానులకు బ్లాక్‌బస్టర్ న్యూస్.. మోక్షజ్ఞ బర్త్ డే స్పెషల్ ఇదే!

దిశ, సినిమా: స్టార్ కిడ్స్ ఇప్పటికే ఎంతో మంది సినీ ఇండస్ట్రీకి ఎంట్రీ ఇచ్చి బ్లాక్ బస్టర్ సినిమాలు చేస్తూ టాలీవుడ్‌లో నటీనటులుగా కొనసాగుతున్న విషయం తెలిసిందే. అయితే నందమూరి ఫ్యామిలీ నుంచి బాలకృష్ణ తనయుడు సినిమాల్లోకి రాబోతున్నట్లు గత కొద్ది రోజుల నుంచి వార్తలు వైరల్ అవుతున్నాయి. కానీ దీనిపై అధికారిక ప్రకటన విడుదల కాకపోవడంతో నందమూరి అభిమానులు ఎంతో ఆతృతగా ఎదురు చూస్తున్నారు.

ఈ క్రమంలో.. తాజాగా, నందమూరి ఫ్యాన్స్‌కు బ్లాక్‌బస్టర్ న్యూస్ వచ్చేసింది. వినాయక చవితికి ఒక రోజు ముందుగానే పండుగ వచ్చినట్లు ఉంది పరిస్థితి. దానికి కారణం బాలకృష్ణ తనయుడు మోక్షజ్ఞ తేజ సినిమా ఇండస్ట్రీలోకి ఎంట్రీ ఫిక్స్ అయిపోయింది. ఈ రోజు మోక్షు పుట్టిన రోజు కావడంతో ఆయన నటిస్తున్న మొదటి సినిమా నుంచి మేకర్స్ ఫస్ట్ లుక్‌ను అధికారికంగా విడుదల చేశారు. ట్విట్టర్ వేదికగా ప్రశాంత్ వర్మ మోక్షు మూవీ తెరకెక్కించడం సంతోషంగా ఉందని తెలియజేస్తూ పోస్టర్‌ను వదిలాడు.

అయితే ఈ చిత్రం ప్రశాంత్ వర్మ సినిమాటిక్ యూనివర్స్ (PVCU)నుంచి రెండో ప్రాజెక్ట్‌గా రాబోతుంది. అయితే దీనిని ఎస్‌ఎల్‌వీ బ్యానర్‌పై సుధాకర్ చెరుకూరి, బాలయ్య చిన్న కుమార్తె మతుకుమిల్లి తేజస్విని కలిసి నిర్మిస్తున్నారు. ప్రస్తుతం మోక్షజ్ఞ పోస్టర్ సోషల్ మీడియాలో వైరల్ అవుతోంది. ఇక అది చూసిన నందమూరి అభిమానుల ఆనందానికి అవధులు లేకుండా పోయాయి.