బెల్లంకొండ శ్రీనివాస్ ‘ఛ‌త్రప‌తి’ ఓటీటీ స్ట్రీమింగ్ డేట్ ఫిక్స్

దిశ, సినిమా: తెలుగు బ్లాక్ బస్టర్ మూవీ ‘ఛత్రపతి’ని రీమేక్‌గా బెల్లంకొండ శ్రీనివాస్ హీరోగా వీవీ వినాయ‌క్ బాలీవుడ్‌లో తెరకెక్కించిన విషయం తెలిసిందే. థియేట‌ర్లలో మే 12న రిలీజైన ఈ మూవీ నార్త్ ఆడియెన్స్‌ను అంతగా మెప్పించ‌లేక‌పోయింది. ఈ సినిమా కోసం బెల్లంకొండ శ్రీనివాస్ బాలీవుడ్‌లో భారీగానే ప్రమోష‌న్స్ చేశారు. అయిన కూడా కనీసం పెట్టుబడి కూడా రాబట్టలేకపోయింది. దాదాపు రూ.25 కోట్ల బ‌డ్జెట్‌తో తెర‌కెక్కిన ఈ రీమేక్ రూ.5 కోట్లలోపే వ‌సూళ్లను రాబ‌ట్టి నిర్మాత‌ల‌కు భారీగా న‌ష్టాల‌ను మిగిల్చింది. అంతేకాదు బెల్లంకొండ శ్రీనివాస్ యాక్టింగ్‌, కాన్సెప్ట్‌, టేకింగ్‌పై చాలా విమ‌ర్శలొచ్చాయి. అయితే తాజాగా ఈ మూవీ ఓటీటీలోకి వ‌చ్చేస్తోంది. ఆగ‌స్ట్ 18 నుంచి జీ5 ఓటీటీలో స్ట్రీమింగ్ కానుంది.