Pawan Kalyan: పవన్ పుట్టిన రోజు నాడు అభిమానులకు ఊహించని షాక్.. వైరల్ అవుతున్న పోస్ట్
పవర్ స్టార్ పవన్ కల్యాణ్ ఏపీ డిప్యూటీ సీఎంగా బాధ్యతలు వహించడంతో పాటుగా ఎంతోమందికి తన వంతు సహాయం అందిస్తున్నాడు.
దిశ, సినిమా: పవర్ స్టార్ పవన్ కల్యాణ్ ఏపీ డిప్యూటీ సీఎంగా బాధ్యతలు వహించడంతో పాటుగా ఎంతోమందికి తన వంతు సహాయం అందిస్తున్నాడు. అయితే ఆయన రాజకీయాల్లోకి వెళ్లడంతో సినిమాలకు దూరమవుతాడన్న వార్తలు ఎక్కువయ్యాయి. ఈ క్రమంలోనే పవన్ స్పందించి వాటిల్లో ఎలాంటి నిజం లేదని క్లారిటీ ఇచ్చాడు. తొందరలోనే అప్‌కపింగ్ సినిమాకు సంబంధించిన షూటింగ్స్‌లో పాల్గొంటానని తెలిపాడు. ప్రజెంట్ పవన్ ఉస్తాద్ భగత్ సింగ్, హరిహర వీరమల్లు, ఓజీ చేస్తున్నాడు. ఈ మూడు మూవీస్‌కు సంబంధించిన షూటింగ్ కూడా కొంత అయిపోయినట్లు తెలుస్తోంది. అయితే సెప్టెంబర్ 2న పవర్ స్టార్ పుట్టిన రోజు కావడంతో ఫ్యాన్స్ ఆయన నటిస్తున్న సినిమాలకు సంబంధించిన అప్డేట్స్ వస్తాయని ఎంతో ఆశగా ఎదురు చూస్తున్నారు.
ఈ క్రమంలో.. తాజాగా, పవన్ అభిమానులకు నిర్మాణ సంస్థలు బ్యాడ్ న్యూస్ తెలిపాయి. ఆయన చేస్తున్న ఓజీ నుంచి పోస్టర్ విడుదల చేస్తామని ప్రకటించిన డివివి ఎంటర్‌టైన్‌మెంట్ వాయిదా వేస్తున్నట్లు ట్విట్టర్ వేదికగా ఓ పోస్ట్ పెట్టారు. ‘‘ఆంధ్రప్రదేశ్, తెలంగాణలో కొనసాగుతున్న వర్షాలు, వరదల కారణంగా, మేము రేపు పుట్టిన రోజు కంటెంట్ విడుదల అన్నింటినీ నిలిపివేయాలని నిర్ణయించుకున్నాము. 𝑶𝑮 సెలబ్రేషన్స్ కొన్నాళ్లు జరుపుకునే సినిమా. మనం కలిసి దీనిని అధిగమించి త్వరలో పెద్ద ఎత్తున జరుపుకుందాం’’ అని తెలిపారు.
అలాగే పవన్, క్రిష్ కాంబోలో తెరకెక్కుతున్న హరి హర వీరమల్లు మేకర్స్ కూడా అప్డేట్ విడుదల చేయడం లేదని వెల్లడించారు. ‘‘మేము పవర్ అభిమానులందరి కోసం ఒక ఉత్తేజకరమైన పోస్టర్‌ని ప్లాన్ చేసాము, కొనసాగుతున్న తీవ్రమైన వరదల కారణంగా, శ్రీకి అనుగుణంగా జరుపుకోవడానికి ఇది సరైన సమయం కాదు. అందరూ అర్థం చేసుకుని సహకరిస్తారని ఆశిస్తున్నాము’’ అని పోస్ట్ ద్వారా తెలిపారు. దీంతో ఈ విషయం తెలుసుకున్న పవర్ స్టార్ ఫ్యాన్స్ షాక్ అవుతున్నారు. ఆయన పుట్టిన రోజు నాడు కచ్చితంగా అప్డేట్స్ వస్తాయని వెయిట్ చేసినప్పటికీ నిరాశ తప్పట్లేదని అంటున్నారు.