చేతిలో గొడ్డలి.. భుజంపై డెడ్ బాడీ.. ఆసక్తి రేకెత్తిస్తున్న రాక్షసుడు-2 పోస్టర్..

దిశ, వెబ్‌డెస్క్: టాలీవుడ్ హీరో బెల్లంకొండ సాయి శ్రీనివాస్, డైరెక్టర్ రమేష్ వర్మ కాంబినేషన్‌లో వచ్చిన సినిమా ‘రాక్షసుడు’. సస్పెన్స్ క్రైమ్ థ్రిల్లర్ మూవీగా తెరకెక్కిన ఈ సినిమా తమిళ్ ‘రాచ్చసన్’ కి రీమేక్‌గా వచ్చింది. 2019లో వచ్చిన ఈ మూవీకి ఆడియన్స్ బాగా కనెక్ట్ అయ్యారు. దీంతో ‘రాక్షసుడు’ కి సీక్వెల్ తెరకెక్కిస్తున్న అప్డేట్ ఇచ్చారు మేకర్స్. అయితే.. చాలా కాలం నుంచి వెయిట్ చేస్తున్నప్పటికీ ఈ సీక్వెల్ త్వరగా పట్టాలెక్కలేదు.

సుదీర్ఘకాలం పాటు కొనసాగిన ప్రీ ప్రొడక్షన్ వర్క్ పూర్తి అవ్వడంతో.. తాజాగా షూటింగ్ స్టార్ట్ చేస్తున్నట్లు పోస్టర్ రిలీజ్ చేశారు. ఈ పోస్టర్ ఆసక్తిని రేకెత్తిస్తోంది. టైటిల్‌లో గొలుసులతో కూడిన గొడ్డలి. బిల్డింగు మధ్య డెడ్ బాడీని మోసుకెళుతున్న ఓ సైకో‌తో పోస్టర్ థ్రిల్లింగ్‌గా ఆకట్టుకుంటోంది. ఇక త్వరలో ఈ మూవీ నుంచి మరిన్ని అప్డేట్స్ వచ్చే అవకాశం ఉంది. అప్పటి వరకు వేచి ఉండాల్సిందే.