Anushka: బాలీవుడ్‌పై అనుష్క శెట్టి వైరల్ కామెంట్

దిశ, సినిమా: టాలీవుడ్ స్టార్ హీరోయిన్లలో అనుష్క శెట్టి గురించి ప్రత్యేక పరిచయం అక్కర్లేదు. తెలుగు, తమిళ మూవీస్‌లో దాదాపు అందరు స్టార్ హీరోలతో ఆమె నటించి వారికి సమానంగా తనకంటూ ఒక రేంజ్ సొంతం చేసుకుంది. అయితే ‘బాహుబలి’ చిత్రంతో జాతీయ స్థాయి గుర్తింపు పొందిన ఆమెకు ఆఫర్లు ఏ రేంజ్‌లో వచ్చి ఉంటాయో కూడా మనం ఉహంచగలం. అయితే బాలీవుడ్‌లో మాత్రం నటించని అనుష్క ఇటీవల ఓ ఇంటర్వ్యూలో బాలీవుడ్ ఇండస్ట్రీ గురించి వైరల్ కామెంట్ చేసింది. ‘సూర్య, నేను కలిసి తమిళంలో నటించిన ‘సింగం’ సినిమాను, అదే పేరుతో హిందీలో రీమేక్‌ చేశారు. అజయ్‌ దేవగణ్‌ హీరోగా నటించారు. కాజల్‌ హీరోయిన్‌గా నటించింది. చెప్పాలంటే, హిందీలో రీమేక్‌కి కూడా నన్నే సంప్రదించారు. కానీ రెమ్యూనరేషన్ విషయంలో మిస్‌ కమ్యునికేషన్‌ జరిగింది.అందుకే చాన్స్ వచ్చినప్పటికీ బాలీవుడ్‌లో నటించలేదు. తర్వాత కూడా వేర్వేరు అవకాశాలు వచ్చాయి కానీ నాకు తగ్గవిగా అనిపించలేదు. అందుకు ఒప్పుకోలేదు’ అని చెప్పుకొచ్చింది అనుష్క.