అందమైన అతిథి పాత్ర.. 'కాలా'లో అదరగొట్టిన Anushka Sharma

దిశ, సినిమా: స్టార్ నటి అనుష్క శర్మ ఇటీవల విడుదలైన 'కాలా'లో అందమైన అతిథి పాత్ర పోషించి అందరినీ సర్‌ప్రైజ్ చేసింది. కొద్ది నిమిషాల ప్రదర్శన కోసం వింటేజ్ లుక్‌లో దర్శనమిచ్చి అదరగొట్టిన ఆమె.. చిన్న సీన్‌తో ఇంతటి ప్రేమను పొందుతానని ఊహించలేదంటోంది. సైకాలాజికల్ డ్రామాగా తెరకెక్కిన ఈ సినిమా ఓటీటీ ప్లాట్‌ఫార్మ్ నెట్‌ఫ్లిక్స్‌లో డిసెంబర్ 1న విడుదలయింది. కాగా ఈ చిత్రంలో కామియో తో ఆశ్చర్యపరిచిన అనుష్క.. 'నేను ఈ పాటను సరదా కోసం మాత్రమే చేశాను. కానీ, చేస్తున్నపుడు మనస్ఫూర్తిగా ఆస్వాదించాను..! ఒకప్పటి నటిగా ఫీలవకుండా సరదాగా నటించాను. ప్రజల నుంచి వచ్చిన స్పందన చూస్తుంటే చాలా సంతోషంగా ఉంది. ఇది నా ప్రత్యేక ప్రదర్శన. నాలుగేళ్ల తర్వాత మళ్లీ తెరపై చూసినందుకు కుటుంబం, అభిమానులు సంతోషంగా ఉన్నారు' అని చెప్పింది. అలాగే తల్లి ప్రేమ కోసం కూతురి హృదయ విదారకమైన ఆరాటాన్ని చూపించే 'కాలా'ను ఒక గొప్ప కళాకృతి గా పేర్కొన్న నటి.. తల్లిదండ్రులందరికీ ఉల్లాసాన్ని ఇస్తుందని తెలిపింది.