‘PS2’ ఆడియో, ట్రైలర్ లాంచ్ ఈవెంట్‌కు గెస్ట్‌గా మరో హీరో..

దిశ, సినిమా: తమిళ స్టార్ డైరెక్టర్ మణిరత్నం తెరకెక్కించిన భారీ బడ్జెట్ మూవీ ‘పొన్నియిన్ సెల్వన్ 2’. ఏప్రిల్ 28న ప్రపంచ వ్యాప్తంగా విడుదలకానుంది. ఈ మూవీలో విక్రమ్, కార్తీ, ఐశ్వర్య రాయ్, త్రిష, జయం రవి తదితరులు నటించగా ఏఆర్ రెహమాన్ సంగీతం అందించాడు. ఇక ఈ సినిమాకు సంబంధించి ఆడియో, ట్రైలర్ లాంచ్, ఈవెంట్‌‌ను చెన్నైలో గ్రాండ్ నిర్వహించడానికి మేకర్స్ ప్లాన్ చేస్తున్నారు. కాగా ఈ కార్యక్రమానికి స్టార్ హీరో కమల్ హాసన్ హాజరవుతారని ఇప్పటికే తెలుపగా.. ఇప్పుడు హీరో శింబు కూడా వస్తున్నాడని సమాచారం. ఇంకా అధికారిక ప్రకటన వెలువడలేదు.