‘Animal trailer. విశ్వరూపం చూపించిన రణ్‌బీర్

దిశ, సినిమా: బాలీవుడ్ స్టార్ రణ్‌బీర్ కపూర్ హీరోగా, డైరెక్టర్ సందీప్ రెడ్డి వంగా దర్శకత్వంలో తెరకెక్కిన యాక్షన్ ఎంటర్టైనర్ ఫిల్మ్ ‘యానిమల్’. డిసెంబర్ 1న వరల్డ్ వైడ్‌గా థియేటర్లలో రిలీజ్ కాబోతున్న ఈ పాన్ ఇండియా మూవీపై ప్రేక్షకులు, అభిమానుల్లో భారీ అంచనాలు నెలకొన్నాయి. సినిమా ప్రమోషన్స్‌లో భాగంగా మేకర్స్ నేడు సినిమా ట్రైలర్‌ను రిలీజ్ చేశారు. ఇక ట్రైలర్ చూస్తుంటే లవర్ బాయ్ రణ్‌బీర్ కపూర్ ఒక్కసారిగా యానిమల్‌గా మారిపోయాడు. కత్తులు, గొడ్డళ్లు, మెషిన్ గన్స్‌తో విశ్వరూపం చూపించాడు. రణ్‌బీర్‌తోపాటు రష్మిక, బాబీ డియోల్, అనిల్ కపూర్ కూడా పూర్తి భిన్నమైన లుక్స్‌లో కనిపించారు. ఇక ట్రైలర్‌ని గమనించినట్లయితే.. తండ్రీ కొడుకుల చుట్టూ తిరిగే కథ అని అర్థమవుతుంది. చిన్నతనంలో తండ్రి ప్రేమకు దూరమైన హీరో.. తర్వాత అదే తండ్రి కోసం యానిమల్‌గా ఎలా మారాడో చూపించారు. మొత్తంగా ట్రైలర్ మాత్రం అదుర్స్ అంటున్నారు నెటిజన్స్.