సర్.. అసలు ఏంటిది..! ‘పుష్ప 2’ టీజర్‌పై అనసూయ పోస్ట్ వైరల్

దిశ, సినిమా: సినీ ప్రియులందరూ ఎంతో ఈగర్‌గా ఎదురుచూస్తున్న సమయం రానే వచ్చింది. ‘పుష్ప 2’ టీజర్ ఈ రోజు రిలీజ్ చేశారు మేకర్స్. ‘పుష్ప: ది రైజ్’ కు సీక్వెల్‌గా వస్తున్న ఈ మూవీపై మొదటి నుంచి భారీ అంచనాలు ఉన్నాయి. అల్లు అర్జున్ హీరోగా సుకుమార్ దర్శకత్వంలో వస్తున్న ఈ చిత్రంలో రష్మికా మందన్న హీరోయిన్‌గా నటిస్తుంది. ఆగష్టు 15న రిలీజ్‌కు సిద్ధంగా ఉన్న ఈ చిత్రం నుంచి ఈరోజు అల్లు అర్జున్ బర్త్‌డే స్పెషల్‌గా టీజర్ రిలీజ్ చేశారు మేకర్స్.

ఇందులో మాస్ అవతార్‌లో బన్నీ లుక్స్‌కు, యాక్షన్ సన్నివేశాలకు ఫ్యాన్స్ ఫిదా అవుతున్నారు. ప్రస్తుతం సోషల్ మీడియాలో మోస్ట్ ట్రెండింగ్‌లో ఉన్న ఈ టీజర్‌పై యాంకర్ అనసూయ స్పందించింది. ఈ మేరకు ‘సర్... ఏంటీ? అహ ఏంటీ అంట..? అల కాళ్లు తిప్పి టైమింగ్‌లో కొంగు పట్టి దోపి.. విదిలించి.. నడుస్తుంటే సర్...’ అంటూ చెప్పుకొచ్చింది. ప్రస్తుతం ఇందుకు సంబంధించిన పోస్ట్ నెట్టింట వైరల్‌గా మారింది.