నిర్మాత కాళ్లు పట్టుకోబోయిన అమితాబ్ బచ్చన్.. షాకింగ్ ఫొటోలు వైరల్

దిశ, సినిమా: పాన్ ఇండియా స్టార్ ప్రభాస్ ప్రస్తుతం ‘కల్కి 2898 AD’ సినిమాతో బిజీగా ఉన్నాడు. నాగ్ అశ్విన్ డైరెక్షన్‌లో తెరకెక్కుతున్న ఇందులో.. దీపిక పదుకొణె, దిశా పటాని హీరోయిన్లు కాగా.. అమితాబ్ బచ్చన్, కమల్ హాసన్, రాజేంద్ర ప్రసాద్ కీలక పాత్రలో నటిస్తున్నారు. వైజంతి మూవీ బ్యానర్‌పై రూపొందుతున్న ఈ చిత్రం జూన్ 27న గ్రాండ్ రిలీజ్‌కు సిద్ధంగా ఉంది. ఇక రిలీజ్ సమయం దగ్గరపడటంతో ప్రమోషన్స్‌లో బిజీగా ఉన్నారు చిత్ర బృందం. ఈ మేరకు తాజాగా.. ప్రీ రిలీజ్ ఈవెంట్‌ను ముంబైలో గ్రాంగ్‌గా నిర్వహించారు. ఈ ఈవెంట్‌కు అమితాబ్ బచ్చన్, కమల్ హాసన్, దీపికా పదుకొణె, ప్రభాస్‌తో పాటు నిర్మాత అశ్వినీదత్ హాజరయ్యారు. ఇక దగ్గుబాటి రానా హోస్ట్‌గా వ్వవహరించిన ఈ ఈవెంట్‌లో ఓ ఆసక్తికర సంఘటన చోటుచేసుకుంది.

‘కల్కి 2898ఏడీ’ మూవీకి సంబంధించిన బిగ్ టిక్కెట్ లాంచ్ చేసిన తర్వాత.. దాన్ని స్వయంగా అమితాబ్ బచ్చన్ కొనుగోలు చేశారు. ఆ తర్వాత దాన్ని కమల్ హాసన్‌కు గిఫ్ట్‌గా ఇచ్చారు. ఈ క్రమంలోనే అమితాబ్ బచ్చన్.. కల్కి నిర్మాత అశ్వనీ దత్ గురించి కొన్ని ఆసక్తికవ విషయాలు పంచుకుంటూ ఆయన కాళ్లకు మొక్కబోయారు. వెంటనే అశ్వినీ దత్ కూడా రియాక్ట్ అయ్యి వెనక్కు తగ్గారు. ప్రస్తుతం ఇందుకు సంబంధించిన ఫొటోలు నెట్టింట వైరల్ అవుతున్నాయి.