కాంగ్రెస్ కోసం ప్రచారం చేస్తోన్న అల్లు అర్జున్ - స్నేహారెడ్డి.. వీడియో వైరల్?

దిశ, వెబ్‌డెస్క్: ‘పుష్ప’ చిత్రంతో ప్రపంచవ్యాప్తంగా క్రేజ్ దక్కించుకున్న ఐకాన్ స్టార్ అల్లు అర్జున్ ప్రస్తుతం పుష్ప-2 చిత్ర షూటింగ్‌లో ఫుల్ బిజీగా ఉన్నారు. టాలీవుడ్ నేషనల్ క్రష్ రష్మిక మందన్న కథానాయికగా నటిస్తో్న్న ఈ మూవీ కోసం బన్నీ ఫ్యాన్స్ ఈగర్‌గా వెయిట్ చేస్తున్నారు. ఇటీవల అల్లు అర్జున్ పుట్టిన రోజు సందర్భంగా పుష్ప-2 నుంచి రిలీజైన గ్లింప్స్‌కు ప్రేక్షకుల నుంచి భారీ రెస్పాన్స్ లభించింది. ఈ గ్లింప్స్ బన్నీ అభిమానుల్లో మరింత క్యూరియాసిటీని పెంచేసింది. ఇకపోతే అల్లు అర్జున్ అండ్ తన సతీమణి స్నేహారెడ్డి 75వ స్వాతంత్ర్య దినోత్సవం సందర్భంగా ఓ ప్రతిష్టాత్మక కార్యక్రమానికి హాజరయ్యారు. ఆ సమయంలో బన్నీ జాతీయ జెండాతో ర్యాలీ చేశారు. అయితే ప్రస్తుతం దేశ వ్యాప్తంగా పార్లమెంట్ ఎన్నికల హడావుడి ఉండటంతో కాంగ్రెస్‌కు మద్దతిస్తున్నట్లుగా అల్లు అర్జున్ ఫొటోలు, వీడియోలను ఎడిట్ చేసి వైరల్ చేస్తున్నారు. ఈ వీడియో సోషల్ మీడియాలో దుమారం రేపింది. ప్రస్తుతం పలువురు జనాలు ఆ వీడియో మళ్లీ ఇన్‌స్టాగ్రామ్‌, ట్విట్టర్‌లో తెగ వైరల్ చేస్తూ బన్నీ అన్నలో రాజకీయ లక్షణాలున్నాయంటూ కామెంట్ల వర్షం కురిపిస్తున్నారు.