జబర్దస్త్ కమెడియన్స్ అందరూ రోజా కాళ్ళ మీద పడిన వారే.. ఆది, ఆర్పీకి ఇచ్చి పడేసిన రాకింగ్ రాకేష్!

దిశ, సినిమా: ఇటీవల జరిగిన సార్వత్రిక ఎన్నికల ప్రచారంలో సినీ సెలబ్రిటీలు చాలా మందే పాల్గొన సంగతి తెలిసిందే. ముఖ్యంగా ఇందులో జబర్దస్త్ కమెడియన్స్ ఈ కూడా పాల్గొని పవర్ స్టార్ పవన్ కల్యాణ్ జనసేన పార్టీకి సపోర్ట్ చేశారు. అయితే జనసేన పార్టీ ఎన్నికల్లో కూటమి భారీ విజయాన్ని సాధించిన సంగతి తెలిసిందే. అంతేకాకుండా పవన్ డిప్యూటీ సీఎంగా ప్రమాణ స్వీకారం చేసి బాధ్యతలు నెరవేరుస్తున్నారు. అయితే ఈ ఎన్నికల్లో జబర్దస్త్ జడ్జ్, హీరోయిన్ రోజా కూడా వైసీపీ పార్టీకి సపోర్ట్‌గా పోటీ చేసింది. అయితే ప్రచారంలో కమెడియన్స్‌కు రోజాకు పలుసార్లు మాటల యుద్దం జరిగిన సంగతి తెలిసిందే.

ఆమె ఎన్నికల్లో విఫలం కావడంతో.. ఆమెపై పలువురు కమెడియన్స్ దారుణ కామెంట్స్ చేశారు. ముఖ్యంగా హైపర్ ఆది, కిరాక్ ఆర్పీ రోజాను టార్గెట్ చేశారు. ఇదిలా ఉంటే.. తాజాగా, జబర్దస్త్ కమెడియన్ రాకింగ్ రాకేష్ రోజాకు సపోర్ట్‌గా కామెంట్స్ చేస్తూనే ఆదికి, ఆర్పీకి ఇచ్చిపడేశాడు. ఇటీవల ఓ ఇంటర్వ్యూలో పాల్గొన్న రాకింగ్ రాకేష్.. ‘‘ రోజా నాకు అమ్మతో సమానం. ఆమెను అలాగే పిలుస్తాను. నేను ఇబ్బందుల్లో ఉన్నప్పుడు ధైర్యం చెప్పి అండగా నిలబడింది. నాతో పాటు చాలా మంది ఆమె సహాయం పొందారు. నా చేతుల ద్వారా కూడా ఎంతోమందికి ఆమె మేలు చేశారో నాకు తెలుసు.

ఎవరైనా ఆపదలో ఉండి ఆయన కాళ్ళ మీద పడితే వెంటనే సహాయం చేసేవారు. ఆమె ఆస్తులు అమ్మి కూడా డబ్బు సాయం చేశారు. అలాంటి రోజా అమ్మను విమర్శించే వారి వ్యక్తిత్వానికే వదిలేద్దాం. ఏరు దాటాక తెప్ప తగలేసే రకం వాళ్ళు. రాజకీయాలు, పదవులు శాశ్వతం కాదు. వ్యక్తులే ముఖ్యం అని రోజాపై కామెంట్స్ చేసిన వారికి ఎప్పుడు అర్థం అవుతుందో’’ అని చెప్పుకొచ్చాడు. ప్రజెంట్ రాకింగ్ రాకేష్ కామెంట్స్.. వైరల్ అవుతుండగా.. ఈ విషయం తెలిసిన వారు తోటి కమెడియన్స్‌గా ఇచ్చిపడేశాడుగా అని అంటున్నారు.