Alia Bhatt: ఇంటి పేరు మార్చుకున్న అలియా భట్.. కారణం అదేనా? (వీడియో)
బాలీవుడ్ స్టార్ హీరోయిన్ అలియా భట్ 6 ఏళ్ల వయసులోనే చైల్డ్ ఆర్టిస్ట్‌గా ఇండస్ట్రీకి పరిచయం అయింది.
దిశ, సినిమా: బాలీవుడ్ స్టార్ హీరోయిన్ అలియా భట్ 6 ఏళ్ల వయసులోనే చైల్డ్ ఆర్టిస్ట్‌గా ఇండస్ట్రీకి పరిచయం అయింది. ఆ తర్వాత హీరోయిన్‌గా ఎంట్రీ ఇచ్చి పలు హిట్ చిత్రాల్లో నటించి స్టార్ బ్యూటీగా క్రేజ్ సంపాదించుకుంది. గంగూబాయి కతియావాడి, బ్రహ్మాస్త్రం, సడక్-2 వంటి సినిమాల్లో ఈ అమ్మడు అద్భుతంగా నటించి ప్రేక్షకులను మెస్మరైజ్ చేసింది. ఇక తెలుగులో ఆర్ఆర్ఆర్ మూవీలో రామ్ చరణ్ ప్రియురాలిగా చేసి ఆడియన్స్‌ను మంత్ర ముగ్దులను చేసింది. ప్రజెంట్ అలియా ప్రధాన పాత్రలో నటించిన జిగ్రా ప్రేక్షకుల ముందుకు వచ్చేందుకు సిద్ధంగా ఉంది.
అయితే షూటింగ్ పూర్తి చేసుకున్న జిగ్రా అక్టోబర్ 11న థియేటర్స్‌లో విడుదల కాబోతుంది. ఈ క్రమంలో.. ఆమె తన ఇంటి పేరును మార్చుకున్నట్లు ఓ షోలో క్లారిటీ ఇచ్చింది. జిగ్రా ప్రమోషన్స్‌లో పాల్గొన్న ఆమె తన పేరు పక్కన భర్త పేరు కాకుండా కపూర్‌ను చేర్చుకున్నట్లు తెలిపింది. శనివారం ‘‘గ్రేట్ ఇండియన్ కపిల్ షో సీజన్-2’’ లో జిగ్రా టీమ్‌తో పాల్గొంది. ఈ సమయంలో ఓ వ్యక్తి వచ్చి హాయ్ అలియా భట్ అంటే.. దానికి ఆమె స్పందించి ‘‘నేను అలియా భట్ కపూర్‌ అని చెప్పింది.
ఇక అలియా కొత్త పేరు విన్న జిగ్రా టీమ్‌తో పాటు అక్కడున్న వారు షాక్ అయ్యారు. అయితే ఇన్నాళ్లకు భర్త ఇంటి పేరును యాడ్ చేసుకోవడంతో ఈ విషయం కాస్త నెట్టింట వైరల్ అవుతోంది. కారణం ఏదైనప్పటికీ అలియా అలా చేయడంపై నెటిజన్లు ప్రశంసలు కురిపిస్తున్నారు. కాగా, అలియా పర్సనల్ లైఫ్ విషయానికొస్తే.. ఈ అమ్మడు రణ్‌బీర్ కపూర్‌ను ప్రేమించి 2022లో పెళ్లి చేసుకుంది. అదే సంవత్సరం అలియా పండంటి ఆడబిడ్డకు జన్మనిచ్చింది. ఆ తర్వాత కొద్ది కాలంగా సినిమాలకు గ్యాప్ ఇచ్చిన ఆమె ప్రజెంట్ వరుస ఆఫర్లు అందుకుంటూ ఇండస్ట్రీలో దూసుకుపోతుంది.
(Video credits to Netflix YouTube channel)