ధనుష్‌కు షాకిచ్చిన ఐశ్వర్య రజినీకాంత్.. ఇంట్లో శుభకార్యం జరిగిన ఫొటోలు వైరల్!

దిశ, సినిమా: సూపర్ స్టార్ రజినీకాంత్ పెద్ద కూతురు ఐశ్వర్య రజినీకాంత్, స్టార్ హీరో ధనుష్ విడాకులు తీసుకోబోతున్నట్లు గత కొద్ది కాలంగా వార్తలు వైరల్ అవుతున్న విషయం తెలిసిందే. అలాగే మరోసారి కోర్ట్‌లో డైవర్స్‌కు అప్లై చేసినట్లు తెలుస్తోంది. అయితే వీరికి ఇద్దరు కొడుకులు కూడా ఉన్నారు. కానీ వీరిద్దరి మధ్య ఏవో మనస్పర్థలు రావడంతో విడిపోవాలని డిసైడ్ అయ్యారట. ధనుష్ తన తల్లిదండ్రులకు ఓ ఇంటిని నిర్మించి ఇవ్వడంతో ఈ జంట మధ్య గొడవలు మొదలై విడాకుల వరకు వెళ్లినట్లు తెలుస్తోంది. దీంతో ఐశ్వర్య గత కొద్ది కాలంగా తన ఇద్దరు కొడుకులతో రజినీకాంత్ ఇంట్లోనే ఉంటూ ఇండస్ట్రీలో నిర్మాతగా కొనసాగుతుంది.

ఇదిలా ఉంటే.. తాజాగా, ఐశ్వర్య ఓ కొత్త ఇంటిని కొనుగోలు చేసింది. ఓ అపార్ట్‌మెంట్‌లో డైప్లెక్స్ ఫ్లాట్ కొని గృహప్రవేశం చేసింది. ఈ వేడుకకు రజినీకాంత్ ఆయన భార్య, ఐశ్వర్య పిల్లలు, ఆమె స్నేహితురాలు తప్ప మరెవ్వరూ రానట్లు తెలుస్తోంది. దీనికి సంబంధించిన ఫొటోలు నెట్టింట వైరల్ అవుతున్నాయి. అయితే ఇందులో ధనుష్ కనిపించకపోవడంతో ఫ్యాన్స్ మండిపడుతున్నారు. అలాగే కొంతమంది నెటిజన్లు ధనుష్‌కు బిగ్ షాకిచ్చిందిగా అని అంటున్నారు.