అల్లు అర్జున్‌తో ‘ఆహా’ టాక్ షో

దిశ, సినిమా : తెలుగు ఓటీటీ ప్లాట్ ఫామ్ ‘ఆహా’ ఎంటర్‌టైన్మెంట్‌ అందించడంలో సూపర్ సక్సెస్ అయింది. బాలకృష్ణతో ‘అన్‌స్టాపబుల్’, సమంతతో ‘సామ్ జామ్’ లాంటి హోస్టింగ్ షోస్‌తో ప్రేక్షకులకు దగ్గరైన ఆహా.. ఈ క్రమంలో ఐకాన్ స్టార్ అల్లు అర్జున్‌తో మరో షో చేయబోతున్నట్లు ప్రకటించింది.

‘ICON STAR అల్లు అర్జున్‌ని మీరు మాస్‌గా, క్లాస్‌గా చూసి ఉంటారు. ఈసారి ఒక బ్లాక్ బస్టర్ లుక్‌తో ఆహా మీ ముందు తీసుకురాబోతోంది.. ‘ది బిగ్గెస్ట్’ అనౌన్స్‌మెంట్ కోసం సిద్ధంగా ఉండండి! ఎనీ గెస్సెస్?’ అంటూ ట్వీట్ చేసింది. ఇదంతా ‘ఆహా’ కోసం సరికొత్త యాడ్ అయి ఉంటుందేమో అని కొందరు అంటుంటే.. ‘స్టైలిష్ స్టార్‌తో టాక్ షో’ అయితే మరో లెవల్‌లో ఉంటుంది అంటున్నారు ఫ్యాన్స్.