ప్రభాస్- పవన్ ఫ్యాన్స్‌కు షాకిచ్చిన 'అన్‌స్టాపబుల్' టీమ్!

దిశ, సినిమా : నందమూరి బాలకృష్ణ హోస్ట్‌గా వ్యవహరిస్తున్న " అన్‌స్టాపబుల్ విత్ NBK " సీజన్ 2 ఓ రేంజ్‌లో దూసుకుపోతుంది. ఇప్పటి వరకూ ప్రసారమైన ఎపిసోడ్‌లు ఒకలావుంటే..డిసెంబర్ 30న రాబోయే ఎపిసోడ్ కోసం ఫ్యాన్స్ ఆత్రుతగా ఎదురుచూస్తున్నారు. ఎందుకంటే దీనికి ప్రభాస్ గెస్ట్‌గా వస్తున్నారు. దీని తర్వాత పవన్ కళ్యాణ్ రాబోతున్న విషయం తెలిసిందే. ఇటీవలే పవన్ ఎపిసోడ్‌కి సంబంధించిన షూటింగ్ జరుగబోతున్నట్లు సోషల్ మీడియాలో ప్రచారం జరిగింది. అయితే ఇప్పుడు ట్విట్టర్‌లో 'ఆహా' టీమ్ చేసిన ఒక ట్వీట్ అభిమానులను టెన్షన్‌కు గురిచేస్తుంది. 'వీ ఆర్ సారి మావా బ్రోస్..అర్థం చేసుకుంటారని ఆశిస్తున్నా్ం' అంటూ రాసుకొచ్చారు. దీంతో ప్రభాస్, పవన్ ఫ్యాన్స్ కంగారు పడిపోయారు. 'ఏమైంది? మళ్లీ ఎపిసోడ్‌‌ని పోస్ట్ పోన్ చేస్తున్నారా' అని ప్రభాస్ ఫ్యాన్స్ అడిగితే..పవన్ ఫ్యాన్స్ 'మా హీరో ఎపిసోడ్ రద్దు అయిందా ఏంటి' అంటూ పరేషాన్ అవుతున్నారు.