ప్రభాస్ ఫ్యాన్స్‌కు అలర్ట్.. ‘ఆదిపురుష్’ ట్రైలర్ రిలీజ్ టైమ్ చేంజ్.. ఓం రౌత్ ట్వీట్ వైరల్

దిశ, వెబ్ డెస్క్: పాన్ ఇండియా స్టార్ ప్రభాస్, డైరెక్టర్ ఓం రౌత్ కాంబినేషనల్‌లో వస్తున్న తాజా చిత్రం ‘ఆదిపురుష్’. ఇందులో బాలీవుడ్ బ్యూటీ కృతీ సనన్ హీరోయిన్‌గా నటిస్తోంది. ఈ సినిమా నుంచి ఇప్పటికే విడుదలైన పోస్టర్స్ ఫ్యాన్స్‌తో అంచనాలను భారీగా పెంచేశాయి. ఈ సినిమా ట్రైలర్ ఎప్పుడెప్పుడు రిలీజ్ అవుతుందా అని ప్రేక్షకులు ఎదురు చూస్తున్నారు. ఈ క్రమంలో డైరెక్టర్ ఓం రౌత్ ‘ఆదిపురుష్’ ట్రైలర్ మే 9న విడుదల 5.30కి విడుదల చేస్తునట్టు ట్విట్టర్ వేదికగా తెలిపిన విషయం తెలిసిందే. హైదరాబాద్‌లో నిన్న జరిగిన ఫ్యాన్స్ ప్రివ్యూ కార్యక్రమంలో భాగంగా వారి కోరిక మేరకు ట్రైలర్ రిలీజ్ టైమ్‌లో మార్పులు చేసినట్టు మరో ట్వీట్ చేశారు. ‘‘అభిమానుల ప్రివ్యూ తర్వాత.. T-సిరీస్ అధికారిక యూట్యూబ్ ఛానెల్‌లో రేపు, మే 9 మధ్యాహ్నం 1:53 గంటలకు ‘ఆదిపురుష్ ట్రైలర్’ చూసేందుకు ప్రపంచం సిద్ధంగా ఉంది!’’ అంటూ ఓ వీడియోను షేర్ చేశారు. దీంతో అది చూసిన ఫ్యాన్స్ ఫుల్ ఖుషీ అవుతూ ఎన్నో ఆశలతో ఎదురుచూస్తున్నారు. కాగా ఈ సినిమా జూన్ 16న ప్రపంచ వ్యాప్తంగా గ్రాండ్‌గా విడుదల కానుంది.