'Adipurush'పై ట్రోలింగ్ ఎఫెక్ట్.. రీరిలీజ్ చేయనున్న టీజర్
పాన్ ఇండియా స్టార్ ప్రభాస్ హీరోగా తెరకెక్కిన తాజా సినిమా 'ఆదిపురుష్'. రామాయణం కథనంతో నిర్మితమైన ఈ చిత్రానికి ఓం రౌత్ దర్శకత్వం వహించారు.
దిశ, వెబ్‌డెస్క్: పాన్ ఇండియా స్టార్ ప్రభాస్ హీరోగా తెరకెక్కిన తాజా సినిమా 'ఆదిపురుష్'. రామాయణం కథనంతో నిర్మితమైన ఈ చిత్రానికి ఓం రౌత్ దర్శకత్వం వహించారు. ఎన్నో అంచనాల నడుమ అక్టోబర్ 2న ఈ సినిమా టీజర్ రిలీజ్ చేసిన విషయం తెలిసిందే. అయితే అనుకునంతగా ప్రేక్షకులను ఆకర్షించలేకపోయింది టీజర్. దీంతో సోషల్ మీడియాలో టీజర్‌పై ఓ రేంజ్‌లో ట్రోల్స్ మొదలయ్యాయి. అయితే ఈ ట్రోల్స్‌ను ఆపే పనిలో పడింది చిత్రబృందం. ఈ నేపథ్యంలోనే టీజర్‌ను మరోసారి రీరిలీజ్ చేసేందుకు ప్లాన్ చేశారు.
'ఆదిపురుష్' చిత్రబృందం నష్ట నివారణ చర్యలో భాగంగా.. నేడు హైదరాబాద్‌ వేదికగా 3డీలో 'ఆదిపురుష్' టీజర్‌ను రీరిలీజ్ చేయబోతున్నారు. ఈ కార్యక్రమానికి పాన్ ఇండియా స్టార్ ప్రభాస్.. దర్శకుడు ఓం రౌత్ హాజరుకానున్నారు. ఈ సందర్భంగా సినిమాపై వస్తున్న విమర్శలపై వివరణ ఇవ్వనున్నట్లు తెలుస్తోంది. కాగా.. రూ. 500 కోట్ల భారీ బడ్జెట్‌తో తెరకెక్కిన ఈ సినిమా 2023 జనవరి 12న ప్రేక్షకుల ముందుకు రానుంది.
ఇవి కూడా చ‌ద‌వండి
ఆదిపురుష్ పోస్టర్‌పై కాపీ రైట్.. మా పనిని కాపీ చేశారన్న యానిమేషన్ స్టూడియో..