అలా వాడుకుని మోసం చేశాడు.. వేణు మాధవ్‌ నిజస్వరూపం బయట పెట్టిన నటి(వీడియో)

దిశ, వెబ్‌డెస్క్: దివంగత స్టార్ కమెడియన్ వేణుమాధవ్ గురించి ప్రత్యేకంగా చెప్పనవసరం లేదు. టాలీవుడ్‌లో బెస్ట్ కమెడీ యాక్టర్‌లో అతడు ఒకడు. చేతి నిండ సినిమాలతో ఎప్పుడూ బిజీ లైఫ్‌ను లీడ్ చేసిన వేణు.. హెల్త్ ప్రాబ్లెమ్స్‌తో మిడిల్ ఏజ్‌లోనే మరణించిన విషయం తెలిసిందే. ఇదిలా ఉంటే.. తాజాగా ఓ ఇంటర్వ్యూలో పాల్గొన్న సీనియర్ నటి పద్మ జయంతి షాకింగ్ కామెంట్స్ చేశారు.

పద్మజయంతి మాట్లాడుతూ.. ‘‘వేణు మాధవ్ మా వారి స్నేహితుడికి పరిచయం. అలా ఆ ఫ్రెండ్ ద్వారా మాకు పరిచయం అయ్యారు. వేణు మాధవ్ మాకు తెలిసినప్పుడు ఆర్టిస్ట్‌గా అంత గుర్తింపు తెచ్చుకోలేదు.. పెళ్లి కూడా కాలేదు. ఒకటే వీధిలో ఉండేవాళ్లం దీంతో మాకు పరిచయం ఏర్పడింది. ఒకసారి ఆయనకు హెల్త్ బాగోలేక పోతే మా వారు ఆయనకు క్యారియర్ తీసుకెళ్లారు. ఒకసారి ఇంటి భోజనం రుచి చూశాక.. ఇంకేముంది ఎప్పుడు హెల్త్ బాగోక పోయినా క్యారియర్ తీసుకురమ్మనే వారు. తర్వాత ఆయనకు ఫేమ్ రావడంతో నాకు ఏదో ఒక అవకాశం ఇప్పిస్తారు అనుకున్నాం. షూటింగ్ స్పాట్‌లో ఉన్న క్యారియర్ తీసుకుని రండి ఏవరైన పరిచయం అవ్వడానికి వీలు ఉంటుంది అని తెలిపేవారు.

మేము కూడా నిజమే అనుకుని నమ్మేవాళ్లం. అలా మమ్మల్ని వాడుకున్నారు కానీ.. క్యారెక్టర్ పరంగా నాకు ఒక్క అవకాశం కూడా ఇప్పించలేదు. అయితే ఇలా వేణుమాధవ్‌కి మా ఇంటి నుంచి భోజనం క్యారియర్ వెళ్లడం.. జనాల్లోకి తప్పుగా వెళ్ళింది. నలుగురు నాలుగు రకాలుగా అనుకోవడానికి అవకాశాన్ని ఇచ్చింది. అంతే కాదు.. చాలా సందర్భాల్లో ఏవో ప్రాబ్లమ్స్ ఉన్నాయని చెప్పి.. నా దగ్గర డబ్బు కూడా తీసుకున్నాడు. కానీ ఆ డబ్బులు కూడా తిరిగి ఇవ్వలేదు. ఆర్టిస్ట్‌గా తాను సినిమాలు చేస్తున్నా.. నాకు క్యారెక్టర్స్ ఇప్పించే రేంజ్‌లో ఆయన ఉన్నా ఒక్క అవకాశం కూడా ఇవ్వలేదు’’ అంటూ చెప్పుకొచ్చారు. ఆమె చేసిన వ్యాఖ్యలు ప్రస్తుతం సోషల్ మీడియాలో వైరల్‌గా మారాయి.