Action thriller movie 'Ghost' మోషన్ పోస్టర్ రీలిజ్

దిశ, సినిమా : కరుణాడ చక్రవర్తి శివ రాజ్‌కుమార్ తొలి పాన్ ఇండియా ఫిల్మ్ 'ఘోస్ట్'. 'బీర్బల్' వంటి బ్లాక్ బస్టర్ చిత్రాలతో తనకంటూ ప్రత్యేక స్థానాన్ని ఏర్పరచుకున్న శ్రీని ఈ ప్రతిష్టాత్మక ప్రాజెక్ట్‌కి దర్శకత్వం వహిస్తున్నాడు. ప్రముఖ రాజకీయ నాయకుడు, నిర్మాత సందేశ్ నాగరాజ్ సందేశ్ ప్రొడక్షన్స్ కింద భారీ బడ్జెట్‌తో రూపొందించిన ఈ ప్రాజెక్ట్‌కు మద్దతు ఇస్తున్నారు. కాగా నూతన సంవత్సరం సందర్భంగా ఆవిష్కరించిన రెట్రో మోషన్ పోస్టర్‌కు భారీ రెస్పాన్స్ వచ్చిందని తెలిపారు మేకర్స్.

ఇక ఇటీవల రెండవ షెడ్యూల్‌ను పూర్తి చేసుకోగా.. మైసూర్‌లో రూ.6 కోట్ల విలువైన జైలు ఇంటీరియర్ సెట్‌లో కీలక సన్నివేశాలను చిత్రీకరించారు. ఈ షెడ్యూల్‌లో శివరాజ్‌కుమార్, జయరామ్, ప్రశాంత్ నారాయణన్ పాల్గొన్నారు. మూడో షెడ్యూల్‌ ఫిబ్రవరి మొదటి వారం నుంచి ప్రారంభం కానుంది. ఇందులో ఇంట్రడక్షన్‌ పార్ట్‌, క్లైమాక్స్‌ చిత్రీకరించనున్నారు. ఈ సన్నివేశాల కోసం బెంగళూరులో భారీ సెట్‌ వేస్తున్నారు. ప్రముఖ నిర్మాణ సంస్థ సందేశ్ ప్రొడక్షన్స్ నిర్మిస్తున్న ఈ మూవీ కన్నడ, తెలుగు, తమిళం, హిందీ, మలయాళ భాషల్లో విడుదల కానుంది.