‘గేమ్ ఛేంజర్’ అప్డేట్‌ రాబోతుంది.. దయచేసి అసభ్యకర కామెంట్స్ చేయకండి: తమన్

దిశ, సినిమా: మ్యూజిక్ డైరెక్టర్ తమన్ నిత్యం సోషల్ మీడియాలో యాక్టివ్‌గా ఉంటూ పలు విషయాలపై రియాక్ట్ అవుతుంటారు. అలాగే తనపై వస్తున్న ట్రోల్స్‌కు స్ట్రాంగ్‌గా కౌంటర్స్ వేస్తుంటారు. తాజాగా, తమన్ తన ట్విట్టర్ వేదికగా అసభ్యకర కామెంట్స్ చేయొద్దని ఓ పోస్ట్ పెట్టాడు. ‘‘ అసభ్యకర కామెంట్లు చేయడం, నెగిటివిటీని ట్రెండ్ చేస్తే ఉపయోగం ఏంటి? అలాంటి వాటి వల్ల సినిమా దెబ్బతింటుంది. కాబట్టి అలాంటి కామెంట్స్ చేయకండి. మా టెక్నికల్ టీమ్ అంతా గత 2 సంవత్సరాల నుండి కంటెంట్‌ను అద్భుతంగా చూపించేందుకు ఆసక్తిగా ఎదురుచూస్తోంది.

దయతో మాకు కొంత సానుకూల శక్తిని అందించాలని అభిమానులందరికీ హృదయ పూర్వకంగా అభ్యర్థిస్తున్నాను. దీన్ని తయారు చేసేటప్పుడు, అమలు చేస్తున్నప్పుడు మేమందరం అనుభవించిన ఆనందాన్ని మీ ముందుకు తీసుకురావడానికి.. ప్రయత్నిస్తున్నాం. నిర్మాతలు,నటీనటుల, టెక్నిషియన్స్ పెద్ద మొత్తంలో డబ్బు, సమయం కేటాయించి చేస్తున్న ప్రాజెక్ట్. అలాంటిది మీరు చేస్తున్న కామెంట్స్ మమ్మల్ని బాధపెట్టడంతో పాటు సినిమాకు ఉన్న ఇమేజ్‌ను దెబ్బతీస్తున్నాయి. లవ్ యూ అబ్బాయిలు.. మేము బలంగా మీ ముందుకు వస్తాము.

మా సినిమాతో BLAST చేస్తాము. అప్డేట్ ఈ నెల తప్పకుండా వస్తుంది’’ అని రాసుకొచ్చాడు. గేమ్ ఛేంజర్‌పై వస్తున్న కామెంట్స్‌కు తమన్ ఇలా రియాక్ట్ అయినట్లు తెలుస్తోంది. అయితే ఆయన ప్రజెంట్ రామ్ చరణ్ గేమ్ ఛేంజర్‌కు వర్క్ చేస్తున్న విషయం తెలిసిందే. ఇప్పటికే ఇందులోంచి విడుదలైన జరగండి జరగండి సాంగ్ తమన్ కాపీ చేశాడని విమర్శలు వచ్చాయి. ఇక అప్డేట్స్ ఏమీ విడుదల చేయకపోవడంతో మెగా ఫ్యాన్స్ తమన్‌‌కు పోస్టులు పెడుతున్న క్రమంలో ఆయన స్పందించారు. ప్రజెంట్ ఈ పోస్ట్ వైరల్ అవుతోంది.