పదకొండు భాషల్లో రిలీజ్ కానున్న'hanuman'

దిశ, సినిమా : యంగ్ అండ్ టాలెంటెడ్ హీరో తేజ సజ్జ, క్రియేటివ్ డైరెక్టర్ ప్రశాంత్ వర్మ దర్శకత్వంలో తెరకెక్కుతున్న చిత్రం 'హనుమాన్'. ఈ పాన్ ఇండియా మూవీలో అమృత అయ్యర్ హీరోయిన్‌గా నటిస్తోంది. ఇప్పటివరకు రిలీజైన ఈ సినిమా టీజర్ మెస్మరైజింగ్ విజువల్స్, ఇంటెన్స్ మ్యూజిక్‌తో ప్రేక్షకులను ఎంతగానో ఆకట్టుకుంది. ఇక తాజా వార్త ఏమిటంటే, ప్రపంచవ్యాప్తంగా ఉన్న డిస్ట్రిబ్యూటర్లు, ఈ చిత్రాన్ని తమ దేశాల్లో విడుదల చేయడానికి నిర్మాతలను సంప్రదించారు. అయితే ఇప్పటివరకు రిలీజ్ అయినటువంటి భారీ బడ్జెట్ చిత్రాలతో పోలిస్తే ఈ సినిమా బడ్జెట్ తక్కువే అయినప్పటికి అవుట్‌పుట్ హాలీవుడ్ చిత్రానికి తక్కువ ఏం కాదు. టీజర్‌కి వచ్చిన రెస్పాన్స్ చూసి సినిమా స్థాయిని పెంచి ప్రపంచవ్యాప్తంగా విడుదలచేయాలని చిత్ర నిర్మాతలు నిర్ణయించుకున్నారు. అందులోను సినిమా కాన్సెప్ట్ యూనివర్సల్‌గా ఉండటంతో ఖచ్చితంగా మంచి విజయం సాధించే అవకాశం ఉంది. కాబట్టి ఈ మూవీ 2023 మే 12న వేసవిలో తెలుగు, హిందీ, మరాఠీ, తమిళ, కన్నడ, మలయాళం, ఇంగ్లీష్, స్పానిష్, కొరియన్, చైనీస్, జపనీస్‌తో సహా పలు భారతీయ భాషల్లో విడుదలకానుంది. 

Also Read...

Waltair Veerayya: చిరంజీవి గురించి సంచలన వ్యాఖ్యలు చేసిన Hero Raviteja