మార్కెట్‌లో కూరగాయలు కొన్న ఎమ్మెల్యే విట్టల్ రెడ్డి

దిశ, కుబీర్: ఎమ్మెల్యే స్వయంగా మార్కెట్‌కు వెళ్లి కూరగాయలు కొనుగోలు చేశారు. ఎమ్మెల్యే కూరగాయలు కొనడం ఏంటి అని అనుకుంటున్నారా అవునండీ..! ఇది వాస్తవం. ఎమ్మెల్యే విట్టల్ రెడ్డి స్వయంగా డబ్బులు ఇచ్చి కూరగాయలు కొనుగోలు చేశారు. కుబేర్ మండలంలోని మాలేగం గ్రామంలో బుధవారం కూరగాయలు, మేకల సంతను ఎమ్మెల్యే విట్టల్ రెడ్డి.. సర్పంచ్ మైపాల్ రెడ్డి, స్థానిక ప్రజా ప్రతినిధులతో కలిసి ప్రారంభించారు. ఈ సందర్భంగా ఎమ్మెల్యే విట్టల్ రెడ్డి మాట్లాడుతూ.. గ్రామస్తులు సంతను ఏర్పాటు చేసుకోవడం అభినందనీయమన్నారు. ఓపెనింగ్ రోజే అధిక మొత్తంలో కూరగాయల షాపులు, మేకల మండీలు వెలియడంతో ఆయన హర్షం వ్యక్తం చేశారు. ఈ నేపథ్యంలోనే వ్యాపారులను ప్రొత్సహించేందుకు తన డబ్బులతో కూరగాయలు కొనుగోలు చేశారు.