మినీ ట్యాంక్‌బండ్.. పనులు వేగవంతం చేయండి

దిశ, కల్వకుర్తి: అమనగల్ సురసముద్ర చెరువు కట్టపై కొనసాగుతున్న మినీ ట్యాంక్‌‌బండ్‌ నిర్మాణ పనులను త్వరిత గతిన పూర్తి చేయాలని అధికారులకు ఎమ్మెల్యే జైపాల్ యాదవ్ సూచించారు. ట్యాంక్‌బండ్ నిర్మాణ పనులను బుధవారం ఆయన పరిశీలించారు. పనుల వివరాలు అడిగి తెలుసుకున్నారు. త్వరగా పూర్తి చేసి ప్రజలకు అందుబాటులోకి తీసుకుని రావాలని ఆయన సూచించారు. ఈ సందర్భంగా ఆయన మాట్లాడుతూ.. టీఆర్ఎస్ ప్రభుత్వంతోనే అభివృద్ధి సాధ్యమవుతుందని అన్నారు. ప్రభుత్వం చేస్తున్న అభివృద్ధి పథకాలను చూసి ఇతర పార్టీల నాయకులు, తట్టుకోలేకపోతున్నారని ఎద్దేవా చేశారు. గ్రామాలు పట్టణాలతో సమానంగా అభివృద్ధి చెందాలన్న ఉద్దేశంతోనే సీఎం కేసీఆర్‌ కంకణం కట్టుకొని పనిచేస్తున్నారన్నారు.