హెచ్​ఎండీఏ నర్సరీని సందర్శించిన మంత్రి కేటీఆర్​

దిశ ప్రతినిధి, రంగారెడ్డి: రంగారెడ్డి జిల్లా శంషాబాద్ లోని హెచ్ఎండీఏ నర్సరీని బుధవారం మున్సిపల్​ శాఖ మంత్రి కేటీఆర్​ సందర్శించి మొక్కలను పరిశీలించారు. ఈ సందర్భంగా మంత్రి కేటీఆర్​ నర్సరీలో పనిచేస్తున్న కార్మికుల యోగక్షేమాలను అడిగి తెలుసుకున్నారు. నర్సరీలో పనిచేసే కార్మికులందరికీ ఈఫీఎఫ్​, ఇతర సౌకర్యాలు కల్పించేందుకు అధికారులు చర్యలు తీసుకోవాలని సూచించారు. అదేవిధంగా ఈ నర్సరీలో ఏఏ మొక్కలు అందుబాటులో ఉన్నాయి. ఏవిధంగా పనిచేస్తారని హెచ్​ఎండీఏ అధికారులను అడిగి తెలుసుకున్నారు. ఈ ఏడాది భారీగా హరితహారాన్ని చేపట్టనున్నట్లు కేటీఆర్​ వివరించారు. ప్రధానంగా మున్సిపాలిటీల్లో మొక్కలు నాటేందుకు ప్రణాళికలు సిద్ధం చేశామన్నారు. హైదరాబాద్​ పరిధిలోని ప్రజలకు మొక్కలు కావాల్సి వస్తే హెచ్​ఎండీఏ నర్సరీలల్లో ఉచితంగా పంపిణీ చేయాలని కేటీఆర్​ అన్నారు. మరో రెండు రోజుల్లో ప్రాంతాల వారీగా వివరాలను అందుబాటులో ఉంచుతామన్నారు.