ఆ గర్జన చూస్తే రేవంత్ రెడ్డి మతిపోవాల్సిందే: మంత్రి జగదీష్ రెడ్డి

దిశ, నల్లగొండ: చెత్తగాళ్లకు వచ్చేదే చెత్త ఆలోచనలేనని, జోకర్లు, బ్రోకర్లలా చిల్లర మాటలు మాట్లాడటం మానుకోవాలని టీపీసీసీ చీఫ్​రేవంత్​రెడ్డిపై మంత్రి జగదీష్ రెడ్డి మండిపడ్డారు. మంగళవారం కలెక్టరేట్‎లో అధికారులతో నిర్వహించిన సమావేశం అనంతరం విలేకర్లతో మాట్లాడారు. నిర్మాణాత్మకమైన ఆలోచనలు వారికి ఎప్పుడూ రావని, రాజకీయ పార్టీలకు నాయకత్వం వహిస్తున్నప్పుడు బాధ్యతాయుతంగా ఉండాలన్నారు. టీపీసీసీ పదవి ఎలా వచ్చిందో, కాంగ్రెస్ పార్టీ నేతలే బహిరంగంగా మాట్లాడుకుంటున్నారని ఎద్దేవా చేశారు. ప్లీనరీ విజయవంతం కావడంతో రేవంత్ తట్టుకోలేక పోతున్నారని విమర్శించారు. టీఆర్ఎస్ క్యాడర్‌లో నూతన ఉత్తేజం చూసి రేవంత్‌కు మతి భ్రమించిందని, విజయగర్జనతో మతులు పూర్తిగా దెబ్బ తింటాయని చురకలు వేశారు. సీఎం కేసీఆర్‌ను తిడితే పెద్దలు కాలేరని, పెద్దలను అనుకరిస్తేనే పెద్దవాళ్ళం అవుతామని హితవు పలికారు. పులి వేషం వేస్తే పులులు కారని, చిల్లర మాటలు మానుకోవాలని చెప్పారు.