పట్టపగలు ఇంట్లో చోరీ

దిశ, రాజేంద్రనగర్ : మైలార్‌‌దేవ్‎పల్లి పోలీస్ స్టేషన్‌ పరిధిలో దొంగతనం జరిగింది. స్టేషన్ పరిధి దుర్గ నగర్‌లో ఓ ఇంటి తాళలు పగులగొట్టి చొరబడ్డ దొంగలు.. ఏడు తులాల బంగారం అపహరించారు. దీంతో పాటు 40 తులాల వెండి, 35 వేల నగదు ఎత్తుకెళ్లినట్లు బాధితులు స్టేషన్‌లో ఫిర్యాదు చేశారు.

వివరాళ్లోకి వెళితే.. ఓం ప్రకాశ్ అగర్వాల్ అనే వ్యక్తి కాటేదాన్‌లోని ఓ కంపెనీలో అకౌంటెంట్‌గా పని చేస్తున్నాడు. అతడు తన ఫ్యామీలీతో దుర్గనగర్‌లో ఓ అపార్ట్‌మెంట్‌లో నివాసం ఉంటున్నాడు. అయితే, బుధవారం ఎప్పటిలాగానే తాను డ్యూటీకి వెళ్లాడు. ఆ తర్వాత అతడి భార్య కూడా పిల్లలను తీసుకొని సమీపంలోని తమ బంధువుల ఇంటికి వెళ్లింది.

ఇదే అదునుగా భావించిన దొంగలు.. ఇంట్లో వారు ఎక్కడికక్కడ వెళ్లగానే డోర్ పగుల గొట్టి ఇంట్లో చొరబడ్డారు. ఆ తర్వాత అందిన కాడికి దోచుకొని పరారీ అయ్యారు. సాయంత్రం 5 గంటలకు ఓం ప్రకాశ్ ఇంటికొచ్చి చూడగా డోర్ తెరిచే ఉంది. దీంతో లోపలికి వెళ్లి చూడగా దొంగతనం జరిగిందని గ్రహించి.. దిక్కుతోచని స్థితిలో పోలీసులను ఆశ్రయించాడు. కేసు నమోదు చేసుకున్న పోలీసులు క్లూస్ టీమ్‌తో సంఘటనా స్థలానికి చేరుకొని దర్యాప్తు చేస్తున్నారు.