ఆ సినిమా సూపర్ అంటున్న ప్రిన్స్
దిశ, సినిమా : ‘పలాస 1978’ ఫేమ్ డైరెక్టర్ కరుణకుమార్ తెరకెక్కించిన చిత్రం ‘శ్రీదేవి సోడా సెంటర్’. సుధీర్ బాబు, ఆనందిని లీడ్ రోల్స్ పోషించిన సినిమా నిన్ననే రిలీజ్ కాగా.. ప్రేక్షకులతో పాటు ఇండస్ట్రీ నుంచి ప్రశంసలు అందుతున్నాయి. తాజాగా ఇంట్లోనే ఈ సినిమా చూసిన మహేశ్ బాబు.. ట్విట్టర్ వేదికగా స్పందించారు. ‘శ్రీదేవి సోడా సెంటర్’ను ఇంటెన్స్ ఫిల్మ్‌గా పేర్కొన్న సూపర్ స్టార్.. క్లైమాక్స్ అదిరిపోయిందని, ‘పలాస 1978’ తర్వాత కరుణ కుమార్ మరో […]
దిశ, సినిమా : ‘పలాస 1978’ ఫేమ్ డైరెక్టర్ కరుణకుమార్ తెరకెక్కించిన చిత్రం ‘శ్రీదేవి సోడా సెంటర్’. సుధీర్ బాబు, ఆనందిని లీడ్ రోల్స్ పోషించిన సినిమా నిన్ననే రిలీజ్ కాగా.. ప్రేక్షకులతో పాటు ఇండస్ట్రీ నుంచి ప్రశంసలు అందుతున్నాయి. తాజాగా ఇంట్లోనే ఈ సినిమా చూసిన మహేశ్ బాబు.. ట్విట్టర్ వేదికగా స్పందించారు. ‘శ్రీదేవి సోడా సెంటర్’ను ఇంటెన్స్ ఫిల్మ్‌గా పేర్కొన్న సూపర్ స్టార్.. క్లైమాక్స్ అదిరిపోయిందని, ‘పలాస 1978’ తర్వాత కరుణ కుమార్ మరో బోల్డ్ ఫిల్మ్‌తో మ్యాజిక్ చేశాడని తెలిపారు.
ఇక సుధీర్ బాబు పర్ఫార్మెన్స్‌ అద్భుతంగా ఉందని, ఇది తన కెరీర్ బెస్ట్ అంటూ కితాబిచ్చాడు. ఇదే క్రమంలో సీనియర్ యాక్టర్ నరేశ్ గురించి ప్రత్యేకంగా ప్రస్తావిస్తూ.. మరో గుర్తుండిపోయే ప్రదర్శనగా చెప్పుకొచ్చాడు. శ్రీదేవి క్యారెక్టర్‌కు హీరోయిన్ ఆనందిని తగిన న్యాయం చేసిందన్న ప్రిన్స్.. కెమెరా విజువల్స్, బ్యాక్‌గ్రౌండ్ స్కోర్‌ అదిరిపోయాయని చెప్పుకొచ్చాడు. ఫైనల్‌గా మూవీ టీమ్ మొత్తానికి అభినందనలు తెలియజేశాడు.
కాగా సినిమా సక్సెస్‌పై కేజీఎఫ్ డైరెక్టర్ ప్రశాంత్ నీల్ సైతం స్పందించాడు. మూవీ గురించి ఇంట్రెస్టింగ్ న్యూస్ వింటున్నానన్న ప్రశాంత్.. తన ఫ్రెండ్, ఈ సినిమా ప్రొడ్యూసర్ విజయ్ చిల్లా, డైరెక్టర్ కరుణకుమార్‌తో పాటు ‘శ్రీదేవి సోడా సెంటర్’ టీమ్ మొత్తానికి కంగ్రాట్స్ తెలిపాడు. సినిమాలో సుధీర్ బాబు లుక్స్ అద్భుతంగా ఉన్నాయంటూ ట్విట్టర్‌లో పోస్టు చేశాడు.