'వకీల్ సాబ్' పై మహేష్ స్పందన.. ఆనందంలో పవన్ ఫాన్స్

దిశ, వెబ్ డెస్క్: దాదాపు మూడేళ్ళ తరవాత ‘వకీల్ సాబ్’ చిత్రంతో వెండి తెరపై సందడి చేశాడు పవర్ స్టార్ పవన్ కళ్యాణ్. ఈ శుక్రవారం ‘వకీల్ సాబ్’ థియేటర్లో విడుదలై భారీ బ్లాక్ బస్టర్ ని అందుకున్న విషయం తెల్సిందే. ఈ సినిమాపై పలువురు ప్రముఖులు తమ అభిప్రాయాలను వ్యక్తపరుస్తున్నారు. ఇప్పటికే సినిమా చూసిన చిరు, రామ్ చరణ్ ‘వకీల్ సాబ్’ చిత్ర బృందానికి శుభాకాంక్షలు తెలిపారు. తాజాగా సూపర్ స్టార్ మహేష్ బాబు ‘వకీల్ సాబ్’ చిత్రంపై పొగడ్తల వర్షం కురిపించారు.

ఇటీవలే సినిమా చూసిన మహేష్ ట్విట్టర్ వేదికగా స్పందించారు. “పవన్ కళ్యాణ్ టాప్ ఫార్మ్ లో ఉన్నారు. ఆయన నటన పవర్ ప్యాక్ గా ఉందని తెలిపారు. ప్రకాష్ రాజ్ తనలోని అద్భుతమైన నటనను మరోసారి తెరపైకి తెచ్చారు. ఇక కోర్టు సీన్లలో పవర్ కు ఇది పర్ఫెక్ట్ కంబ్యాక్ .అలాగే సినిమాలో నటించిన నివేదాథామస్, అంజలీ, అనన్య చాలా బాగా నటించారు. చిత్ర బృందానికి నా శుభాకాంక్షలు” అంటూ పోస్ట్ చేశారు. ప్రస్తుతం ఈ ట్వీట్స్ నెట్టింట వైరల్ గా మారాయి.