ఎమ్మెల్సీగా ప్రమాణ స్వీకారం చేసిన మధుసూదనాచారి

దిశ, తెలంగాణ బ్యూరో : ఎమ్మెల్సీగా సిరికొండ మధుసూదనాచారి ప్రమాణ స్వీకారం చేశారు. శాసనమండలి ప్రొటెం చైర్మన్ భూపాల్ రెడ్డి ఆదివారం తన చాంబర్లో ఎమ్మెల్సీగా మధుసూదనాచారితో ప్రమాణ స్వీకారం చేయించారు.

ఈ సందర్భంగా మధుసూదనాచారికి మంత్రి తలసాని శ్రీనివాస్ యాదవ్, మహమూద్ అలీ, ఇంద్ర కరణ్ రెడ్డి, ఎమ్మెల్సీ గుత్తా సుఖేందర్ రెడ్డి, ఎమ్మెల్యే లక్ష్మారెడ్డిలు శుభాకాంక్షలు తెలిపారు. అంతకుముందు అమరవీరుల స్తూపం వద్ద మధుసూదనాచారి నివాళులర్పించారు. ఈ కార్యక్రమంలో శాసన మండలి సెక్రటరీ నరసింహాచారి, టీఆర్ఎస్ ఎల్పీ కార్యదర్శి రమేష్ రెడ్డి, తదితరులు పాల్గొన్నారు.