పొగగొట్టపు పట్టణంలో,
పొట్టచేత పట్టుకొని
ఎన్నెన్నో వీధులు తిరిగాం,
ఏవేవో దారులు నడిచాం
అమ్మ చేతి వంటల్ని, నాన్న గోరు ముద్దల్ని
నెమరువేసి, విసిగెను ఈ ప్రాణం
గురుతుచేసి గడిచెను మా కాలం
ఎందుకు ఈ పోరాటం, దేనికి ఈ ఆరాటం
ఎంత చేసినా ఒక్క ముద్దకే కదా
ఎంత వేగినా కానీ నిద్ర తథ్యమే కదా
సొంత ఊరు వదిలేసి, ఇంట నీడ కాదనేసి
కలలు కన్న రాజ్యాన్ని, ఏనాటికి కట్టేమో..
ఆశపడ్డ జీవితాన్ని ఎప్పటికి చుసేమో..
ఈ మత్తులో, గమ్మత్తులో
ఈది, ఎగిరి, పడి, లేచి
దాటుతున్న ఈ వంతెన
నా గమ్యం చేర్చేనో,
అగమ్యంగా మార్చేనో?
-కృష్ణ చైతన్య
9125 96747