ఆ బెంచికి

పార్కులోని బెంచి

మా మిత్రుత్వాన్ని పిలుస్తుంది

రహస్యంగా కన్పించి మౌనంగా

మేమాడే మాటల్ని రికార్డ్ చేస్తుంది

ఏళ్ల కొద్దీ మగ్గిన అత్తరులాంటి

స్నేహానికి సాక్ష్యం ఆ బేంచి

ఆలోచనల్లో సారుప్యంతో

గుసగుసల గుభాళింపుల్ని

ఊసుల పరిమళాల్ని ఆస్వాదించి

ఎండకి వానకి పాడైన ఆ బెంచి అంటే

మాకు చాలా ఇష్టం.

నెలైంది కనపడకపోయేసరికి

రమ్మని కబురు పెట్టింది

చైతన్యశీల భావాలతో

యవ్వనంలోకి ప్రవేశించి

సమున్నత ఆదర్శాలతో

వృత్తి జీవితాన్ని ముగించి

వ్యక్తిత్వ ఔన్నత్యంతో

సంపూర్ణంగా వికసించి

వీళ్ళకి పనిపట్రాలేదని

కాలం కుట్ర చేసిందని

ఎవరు చెప్పెదరు ఆ బెంచికి

- కోటం చంద్రశేఖర్

94920 53348