కొండచిలువ

మా కొండచిలువ మాట్లాడుతుంది !

అప్పుడప్పుడూ

పొట్లాడుతుంది కూడా

నేను బానిస పాత్రలో

రాణించినవుడు

అది యజమాని

పాత్రోచితంగా

నన్ను దగ్గరకు తీసుకుంటుంది !

నేను ఎక్కడైనా

కాసింత లోటు చేసినప్పుడు

అది శిక్షాస్మృతై నన్ను కబళిస్తుంది !

మా కొండచిలువ

పెంట్లేసుకుంటుంది

ఇంగ్లీషు మాట్లాడుతుంది

సాహిత్య చర్చలు చేస్తుంది

కానీ నన్ను మాత్రం

నాలుగ్గోడల సాక్షిగా చుట్టుకొని

నమిలి మింగేస్తుంది

నేనిప్పుడు పాముల చర్మం వలిచే

కోర్సుల కోసం

కనిపించని ప్రకటనల్లా ఆశగా

వెతుక్కుంటున్నాను

శోభ రమేష్

89786 56327