WOMEN - INDIA : భారతమా.. మాకేది స్వతంత్రం?

నా దేశం.. అభివృద్ధిలో పరుగులు పెడుతుంది.. ఆకాశానికి నిచ్చెనలు వేస్తుంది.. సముద్రంలో వారధి కడుతుంది.. కానీ నేలపై ఉన్న నేటి మహిళకు భద్రత కరువు అంటుంది.. వీధుల్లో తిరిగితే రేప్ అని భయపెడుతుంది.. కార్యాలయానికి వెళ్తే క్యారెక్టర్ లెస్ అనే ముద్ర వేస్తుంది.. ఇంట్లో ఉన్నా సురక్షితం కాదని హెచ్చరిస్తుంది.. చచ్చినా సమాన హక్కులు దక్కేలా లేవని పదే పదే గుర్తుచేస్తుంది.. స్త్రీ అంటే బాధ్యతల బరువులు తప్ప ఆనందానికి ఆధారాలు కూడా దొరకనివ్వను అంటుంది.. మొత్తానికి స్వేచ్ఛగా ఎలా తిరుగుతావని బంధీని చేస్తుంది నా దేశం.. నా భారతదేశం ..

దిశ, ఫీచర్స్ : భారత జాతికి స్వాతంత్య్ర దినోత్సవం పెద్ద పండుగ. బ్రిటీషు పాలకుల నుంచి స్వేచ్ఛా వాయువులు పీల్చుకుని... బానిస సంకెళ్ల నుంచి విముక్తి చెంది.. నేటికి 78 ఏళ్లు పూర్తి చేసుకుంది. భారత ప్రభుత్వం రాజ్యాంగాన్ని రూపొందించి ప్రతి పౌరుడు సొంతంగా జీవించేందుకు, సంపాదించేందుకు, పదవీ విరమణ చేసుకునేందుకు స్వేచ్ఛను అందించింది. కానీ మహిళలకు భద్రత, గౌరవాన్ని అందించేందుకు ఈ 78 ఏళ్లు ఎందుకు సరిపోలేదు? స్త్రీల జీవితాలపై పితృస్వామ్య పాలనను ఎందుకు తుడిచివేయలేకపోయింది? "నేను స్వేచ్ఛగా, సురక్షితంగా ఉన్నాను" అని ప్రతి స్త్రీ గర్వంగా చెప్పుకునే రోజును ఎందుకు తీసుకురాలేకపోయింది?

పంద్రాగస్టు రోజున త్రివర్ణ పతాకం ఎగరవేయడంపైనే అందరు దృష్టి పెడుతారు. స్వతంత్ర పోరాటంలో త్యాగాల కథలను స్మరించుకుంటారు. కానీ మహిళల పరిస్థితి ఏంటి? ఇప్పటికీ కొనసాగుతున్న లైంగిక వేధింపులు, జీతం లేని పని మనుషులుగా ట్రీట్ చేసే పద్ధతులు, తమ కాళ్లపై నిలబడే స్వేచ్ఛను హరిస్తుండటం గురించి చర్యలు ఉండవా? ఉమెన్ పాలిసింగ్‌లో మార్పులు రావా? కోల్ కతాలో మహిళా డాక్టర్‌పై అత్యాచారం, హత్య ఘటన జరిగిన కొద్దిరోజులకే వస్తున్న ఈ స్వాతంత్ర్య దినోత్సవం మహిళలకు కూడా పండగే అంటారా? పని చేసే ప్లేస్‌లో కూడా సెక్యూరిటీ లేకపోతే.. స్త్రీకి స్వేచ్ఛ ఎలా లభిస్తుంది? ఇంట్లో సంప్రదాయాలు, కట్టుబాట్లు అంటూ తల్లిదండ్రులు కంట్రోల్ చేస్తుంటే అమ్మాయిలు డ్రీమ్స్ ఫుల్ ఫిల్ చేసుకునేదెలా? ఫ్రీడమ్ ఆస్వాదించేది ఎలా?

కనీసం ఈ ప్రశ్నలకు జవాబులు ఇవ్వండి..

• ఐక్యరాజ్యసమితి ప్రకారం... గత 50 ఏళ్లలో ప్రపంచవ్యాప్తంగా తప్పిపోయిన 142.6 మంది మహిళలలో 45.8 మిలియన్ల మంది భారతదేశ స్త్రీలు ఉన్నారు ఎందుకు? ఆడశిశువుల హత్యలు, భ్రూణహత్యల నుంచి స్త్రీలు స్వాతంత్ర్యం పొందుతారా?
• నేటికీ చాలా కుటుంబాల్లో అమ్మాయి, అబ్బాయి అనే తేడా ఉంది? అమ్మాయిగా పుడితే తమ కోరికలు, అభిరుచులను చంపేసుకోవాలా? తమ కలలను సాకారం చేసుకునే అవకాశం ఈ దేశంలో వందశాతం ఎప్పుడొస్తుంది? లింగ భేదం నుంచి విముక్తి ఎప్పుడు లభిస్తుంది?
• జాతీయ కుటుంబ ఆరోగ్య సర్వే 5 ప్రకారం భారతదేశంలో స్త్రీ అక్షరాస్యత రేటు 70.3 శాతం, పురుషుల అక్షరాస్యత రేటు 84.70 శాతం. ప్రపంచ అక్షరాస్యత రేటు సూచికలో ఇది అత్యల్పం. భారతదేశానికి స్వాతంత్ర్యం 78 సంవత్సరాల క్రితమే వచ్చింది కదా ఇప్పటికీ పురుషుల, స్త్రీల అక్షరాస్యత రేట్లలో ఎందుకు వ్యత్యాసం ఉంది? స్త్రీలు చదువుకుని సాధికారత పొందే స్వేచ్ఛ ఎప్పుడు వస్తుంది?
• 96 శాతం మంది బాలికలు ప్రభుత్వ పాఠశాలల్లో చేరుతున్నారు కానీ 11 వ తరగతికి వచ్చే సరికి ఆ సంఖ్య 50 శాతానికి పడిపోతుంది. ఇంటిపని, పెళ్లి కాకుండా విద్యను ఎంచుకునే హక్కు స్త్రీలకు ఎప్పుడు లభిస్తుంది?
• కుమార్తె తన వివాహ వయస్సుకు రాగానే.. పెళ్లి పెళ్లి అనే గోల ఎక్కువైపోతోంది. కానీ వివాహం నిజంగా పెద్ద విజయమా? నిరంతరం ఒత్తిడి తప్ప.. దానివల్ల ఆమెకు ఏం లభిస్తుంది?
• మహిళా శ్రామికశక్తి భాగస్వామ్యం గత కొన్ని సంవత్సరాలుగా పెరిగినప్పటికీ, భారతదేశంలో 37 శాతానికి తగ్గింది. శ్రామిక మహిళలు భారత ఆర్థిక వ్యవస్థకు చాలా దోహదపడగలరు GDPని పెంచగలరు. అయినా స్త్రీలకు ఉద్యోగం, జీతం సంపాదించుకునే స్వేచ్ఛ సమానంగా ఎందుకు లేదు?
• ప్రతి ఐదుగురిలో ఒకరు రుతుక్రమం కారణంగా చదువు మానేస్తున్నారు. మరుగుదొడ్లు లేకపోవడం, బహిష్టు పరిశుభ్రత లోపించడం, పీరియడ్ గురించిన అవగాహన లేకపోవడమే దీనికి కారణం. రుతుక్రమంలో ఉన్న స్త్రీలు నిషేధాలకు గురవడం నుంచి ఎప్పుడు స్వేచ్ఛ పొందుతారు?
• భారతదేశంలో ప్రతి నిమిషానికి ముగ్గురు అమ్మాయిలు 18 ఏళ్లు నిండకముందే బాల్య వివాహం చేసుకోవాల్సి వస్తుంది. కానీ 2022లో ఈ నేరానికి శిక్ష పడే రేటు 11 శాతం మాత్రమే. 2011 జనాభా లెక్కల ప్రకారం, ప్రతి సంవత్సరం 16 లక్షల బాల్య వివాహాలు జరుగుతున్నాయి. అంటే రోజుకు 4,000. 2022 వరకు ఎన్‌సిఆర్‌బి నివేదికల ప్రకారం.. 23 శాతం కంటే ఎక్కువ మంది మహిళలు 18 ఏళ్లలోపు వివాహం చేసుకున్నారు. బాల్యవివాహం అనే దుర్మార్గపు ఆచారానికి లొంగిపోకుండా ఉండే స్వతంత్రం ఎప్పుడు ప్రాప్తిస్తుంది?
• నేషనల్ క్రైమ్ రికార్డ్స్ బ్యూరో (NCRB) విడుదల చేసిన డేటా ప్రకారం.. 2022లోనే మహిళలపై నేరాల కేసులు 445,256గా నమోదయ్యాయి . దీనర్థం ప్రతి గంటకు 51 నేరాలు నమోదు అవుతున్నాయి. లైంగిక వేధింపుల నుంచి మహిళలు ఎప్పుడు విముక్తి పొందుతారు? లైంగికత వారి వ్యక్తిత్వం, భద్రతను నిర్ణయించే అంశంగా ఎప్పుడు ఉంటుంది?
• వివాహం అనేది స్త్రీ నైతికతను నిర్వచించే అంశంగా పరిగణించబడుతుంది. పెళ్లి చేసుకుంటే సంస్కారం ఉన్నట్లు.. లేదంటే ఆమె ఎదుగుదల విషయంలో కచ్చితంగా ఏదో ఒక మతలబు ఉన్నట్లు లెక్క అంతే కదా? సొసైటీ ఎందుకు ఇలా ఆలోచించాలి? పెళ్లి చేసుకోవాలా వద్దా అని ఎంచుకునే స్వేచ్ఛ మహిళలకు ఎప్పుడు లభిస్తుంది?
• పిల్లలు వద్దనుకునే స్త్రీలు స్వార్థపరులుగా పరిగణించబడటం సిగ్గుచేటు. గర్భం ధరించాలా వద్దా అని నిర్ణయించుకునే హక్కు మహిళలకు ఎప్పుడు వస్తుంది?
• 2022 వరకు 75 శాతం మంది మహిళలు వీధుల్లో హింసను ఎదుర్కొంటున్నారు. 19 శాతం మంది బస్టాప్‌లలో, 25 శాతం మంది లైంగిక వేధింపులకు గురవుతున్నారు. ఈ దేశంలో మహిళలు సురక్షితంగా ఉండేదెప్పుడు?
• 18 నుంచి 49 సంవత్సరాల వయస్సు గల మహిళలపై నేరాలలో 29.3 శాతం గృహ హింస కేసులు ఉన్నాయి. అయినా ఈ అంశాన్ని తీవ్రంగా పరిగణించడం లేదు. స్త్రీలు సురక్షితంగా, స్వతంత్రంగా ఉండే వివాహాలకు సాక్ష్యంగా ఎప్పుడు ఉంటాం?
• చాలా మంది మహిళలు ఆత్మహత్య చేసుకుని చనిపోవడానికి ప్రధాన కారణాలలో సన్నిహిత భాగస్వామి హింస ఒకటి. NFHS-5 ప్రకారం, 2022లో 25,309 మంది గృహిణులు సూసైడ్ కారణంగా మరణించారు. స్త్రీలు వివాహంలో లొంగిపోవాలనే పితృస్వామ్య భావనపై మహిళల జీవితాలు, తెలివికి విలువ ఎప్పుడు ఇవ్వబడుతుంది?
• 80 శాతం మంది మహిళలు పని ప్రదేశాల్లో లైంగిక వేధింపులకు గురవుతున్నారు. సమర్థవంతంగా పనిచేసే స్వేచ్ఛ కూడా మహిళలకు లేదా? దాదాపు 90 శాతం మంది మహిళలు జీతం లేకుండా పని చేస్తున్నారు. ఉపాధి పొందిన మహిళలు కూడా పురుషుల కంటే ఆరు రెట్లు ఎక్కువగా జీతం లేని కార్మికులు ఉంటున్నారు. ఇంటిపని, సంరక్షించడం తమ కర్తవ్యమని, జీతభత్యాలు కాదనే ఆలోచన నుంచి స్త్రీలకు ఎప్పుడు స్వాతంత్ర్యం వస్తుంది?
• భారతదేశంలో కేవలం 32 శాతం మంది వివాహిత మహిళలు మాత్రమే పనిచేస్తున్నారు. కానీ మహిళలు పెళ్లయ్యాక ఉద్యోగాలు ఎందుకు వదులుకోవాల్సి వస్తుంది? పెళ్లయిన తర్వాత కూడా అబ్బాయిల మాదిరిగానే పనిచేసి సంపాదించుకునే స్వాతంత్య్రం ఉండాలి కదా?
• చాలా మంది మహిళలు వారు ధరించే బట్టలపై అవమానం ఎదుర్కొంటున్నారు. పురుషులను రెచ్చగొట్టేలా ఉన్నాయని నిందిస్తున్నారు. మోడ్రన్‌గా ఉంటే ఆధునికంగా ఉందని.. సంప్రదాయంగా ఉంటే ఊరి కథలు అని కామెంట్స్ ఫేస్ చేస్తున్నారు. ఎలా వేసుకున్నా అబ్బాయిలను రెచ్చగొడుతున్నాయి అంటారు. అసలు స్త్రీలు ధరించే దుస్తులు వారు భద్రతకు అర్హులా కాదా అని ఎందుకు నిర్ణయించాలి? స్త్రీ ఎంత ఆధునికంగా ఉందో బట్టలు ఎందుకు నిర్ణయించాలి?
• మహిళలు తరచుగా అందంగా తయారు కావాలనే కల్చర్ చిన్నప్పటి నుంచే నూరి పోయడం అలవాటు అయిపొయింది. చూసే వాళ్లకి మహాలక్ష్మిలా కనిపించాలని.. అప్పుడే అందమైన మొగుడు వస్తాడని చెప్తుంటారు? కానీ అబ్బాయిలకు ఇలాంటివి ఎప్పుడైనా చెప్పారా? ఇలాంటివి విన్న అమ్మాయిలు తాము ఎలా ఉన్నామనే అనుమానాన్ని కలిగి ఉంటున్నారు. ఇలాంటి ఆలోచన లేకుండా మహిళలకు తమ బాడీ సొంతం చేసుకునే స్వాతంత్ర్యం ఎప్పుడు వస్తుంది? వారికి శారీరక స్వయంప్రతిపత్తి ఎప్పుడు లభిస్తుంది?
• అమ్మాయికి బాయ్ ఫ్రెండ్ ఉంటే క్యారెక్టర్ లెస్ అవుతుందా? వితంతువు సమాజం నుంచి ఎందుకు బహిష్కరించబడుతుంది? ఎదురైతే అపశకునంగా ఎందుకు భావించబడుతుంది? వారికి కూడా కొత్త జీవితం ఆస్వాదించే స్వేచ్ఛ ఎప్పుడు వస్తుంది?
• పితృస్వామ్య సమాజంలో సెక్స్ అనేది మగవారి ఆనందం కోసం మాత్రమే ఫ్రేం చేయబడిందా?. స్త్రీలు భావప్రాప్తి పొందుతున్నారా? పురుషులు స్త్రీ భావప్రాప్తి, ఆనందం గురించి ఆలోచిస్తున్నారా? స్త్రీలకు భావప్రాప్తి పొందే హక్కు ఎప్పుడు వస్తుంది?
• అంతెందుకు మన సమాజంలో వివాహం అయిన అమ్మాయి అత్యాచారం చేసుకునే తప్పు కాదు కానీ మహిళలు సెక్స్ కోసం అడిగితే మాత్రం తప్పే అవుతుంది. మహిళలు తమ సెక్స్ లైఫ్ ఎలా ఉండాలో ఎంచుకునే ఏజెన్సీ ఎప్పుడు ఉంటుంది? స్త్రీలకు తమ శరీరాలను, అవసరాలను సొంతం చేసుకునే ఫ్రీడమ్ ఉంటుందా లేదా? ఎప్పటి వరకు స్త్రీలు నిద్రపోయే లైంగిక వస్తువులుగానే ట్రీట్ చేయబడుతారు? వారి ప్రతిభకు, విజయాలకు విలువ లభించేదెప్పుడు?
• అబద్ధాలు చెప్పకుండా లేదంటే తల్లిదండ్రుల జాడ లేకుండా మహిళలు ఎప్పుడు వెకేషన్స్ కు వెళ్లగలుగుతారు? 2020లో గ్లోబల్ ఇండెక్స్.. మహిళల ఒంటరి ప్రయాణానికి ప్రమాదకరమైన దేశాల్లో తొమ్మిదో అత్యంత ప్రమాదకరమైన దేశంగా భారత్ ను ప్రకటించింది. కుటుంబం కోసం ఆర్థిక నిర్ణయాలు తీసుకునేంత స్వతంత్రం మహిళలు ఎప్పుడు పొందుతారు?
• సంపాదిస్తున్నా లేదా గృహిణిగా ఉన్నా.. కుటుంబాన్ని లేదా ఇంటిని ఎప్పుడూ ఎందుకు నిర్వహించలేదు? భర్త చేతి మీదుగానే మనీ చెలామణి అవ్వాలా? వరకట్న వేధింపుల నుంచి స్త్రీలకు విముక్తి ఎప్పుడు? ధనవంతులైన భర్తలను పెళ్లాడినప్పుడు ఆడవాళ్ళను గోల్డెన్ డిగ్గర్ గా పిలవడం సమాజం ఎప్పుడు ఆపుతుంది? వరకట్నం డిమాండ్ చేస్తున్నప్పుడు మగవారిని ఎందుకు అలా పిలవడం లేదు?
• స్త్రీలు పర్వతాలు ఎక్కలేరు, బైక్‌లు నడపలేరు, బరువులు ఎత్తలేరు, పురుషుడు చేయగలిగినదంతా చేయలేరనే అపోహతో సమాజం స్త్రీలను ఎప్పటి వరకు కట్టిపడేస్తుంది? పొద్దుపోయే వరకు పనిచేసుకుని ప్రమోషన్స్ పొందే అవకాశం ఇవ్వరా? ఉన్నత స్థానానికి ఎదిగితే క్యారెక్టర్ లెస్ గా ట్రీట్ చేయడం మానరా?
• పార్లమెంటులో చేరి దేశంలో చట్టాలను నడిపించే స్వేచ్ఛ మహిళలకు ఎప్పుడు వస్తుంది? మహిళలకు రిజర్వేషన్ ఎప్పటి వరకు ఉంటుంది? ఇప్పుడు మహిళా రిజర్వేషన్‌ బిల్లు ఆమోదం పొందింది కానీ అది కార్యరూపం దాల్చక ముందే కేకలు వేస్తోందా?
• మహిళలకు బహిరంగంగా పాలివ్వడానికి ఎప్పుడు స్వేచ్ఛ లభిస్తుంది? ఈ విషయాన్ని కూడా కామ కోణంలో చూడటం సిగ్గుచేటు కాదా?
• స్త్రీలను సమాజానికి బంటులుగా కాకుండా దేశ పౌరులుగా ఎప్పుడు పరిగణిస్తారు? విషపూరిత సంబంధాలకు స్త్రీని ఎప్పటి వరకు నిందిస్తారు?