జగిత్యాల విద్యార్థినిని అభినందించిన కేటీఆర్.. ఎందుకంటే ?

దిశ, తెలంగాణ బ్యూరో : జగిత్యాల పట్టణంలోని పాత ప్రభుత్వ పాఠశాలలో శ్రీ ప్రకాశ్ అనే విద్యార్థి చదువుతున్నాడు. చదువుతో పాటు ఉదయం తన సైకిల్ పై ఇంటింటికి పేపర్ వేస్తున్నాడు. ఎంతో కొంత సంపాదించి కుటుంబానికి అండగా నిలుస్తున్నాడు. పలువురికి ఆదర్శంగా నిలుస్తున్నాడు. ఇది చూసిన ఓ వ్యక్తి కేటీఆర్‌కు సంబంధిత వీడియోను ట్విట్టర్లో ట్యాగ్ చేయగా, ఆయన స్పందించారు. విద్యార్థి ఆత్మవిశ్వాసం, ప్రశాంతత, ఆలోచన, వ్యక్తీకరణ తనకు నచ్చిందని పేర్కొన్నారు. చదువుతున్నప్పుడు పని చేయడంలో తప్పేంటి అని విద్యార్థి పేర్కొన్న తీరును అభినందించారు. విద్యార్థి శ్రీ ప్రకాష్ భవిష్యత్తులో ఉన్నత స్థాయికి చేరుకోవాలని ఆకాంక్షించారు.