ప్రశాంత్ నీల్.. గన్ కన్నా డేంజరస్

కేజీఎఫ్ డైరెక్టర్ ప్రశాంత్ నీల్‌ పుట్టినరోజున ఆ మూవీ యూనిట్ బిగ్ సర్‌ప్రైజ్ ఇచ్చింది. సినిమా పట్ల ప్రశాంత్ నీల్ ప్రేమ, అభిరుచి.. బెస్ట్ అవుట్‌పుట్ ఇచ్చేందుకు ఆయన కష్టపడే తీరును ప్రశంసిస్తూ డైరెక్షన్ డిపార్ట్‌మెంట్ శుభాకాంక్షలు తెలిపింది. ‘ఎలాగైతే రాఖీ కేజీఎఫ్‌ను పొందాడో.. అలా ఇండస్ట్రీ ప్రశాంత్ నీల్‌ను పొందిందని’ సంతోషం వ్యక్తం చేశారు. తన లీడర్‌షిప్, డెడికేషన్ లెవల్స్ సెట్‌లో ఉన్న ప్రతీ ఒక్కరిని ఇన్‌స్పైర్ చేస్తాయని.. తనొక పనిరాక్షసుడని చెప్పారు. అంతేకాదు.. ‘అలా చేస్తే డేంజర్‌లో పడతామేమో అని సూచిస్తే.. ఆ డేంజరే కావాలనే దమ్మున్న వ్యక్తి ప్రశాంత్ నీల్’ అంటూ ప్రశాంత్‌ గట్స్‌ను డైరెక్షన్ డిపార్ట్‌మెంట్ ఓ రేంజ్‌లో పొగిడేసింది. ‘ఒక మండుతున్న స్త్రీ మూర్తి, అగ్నిపర్వతానికి జన్మినిస్తే ఎలా ఉంటుందో.. అలా ఉంటాడు. గన్ కన్నా డేంజరస్ వెపన్.. బండను కూడా ఏడిపించే సత్తా ఉన్న వ్యక్తి.. తన క్రేజీ వరల్డ్‌లోకి వారిని ఆహ్వానించినందుకు థాంక్స్’ అని చెప్తున్నారు.