జియో న్యూ రీఛార్జ్ ప్లాన్‌.. ఏడాది పాటు హాట్‌స్టార్ సబ్‌స్క్రిప్షన్ ఫ్రీ

దిశ, వెబ్‌డెస్క్: దేశీయ అతిపెద్ద టెలికాం దిగ్గజం రిలయన్స్ జియో తన యూజర్ల కోసం కొత్త రీఛార్జ్ ప్లాన్‌ను తీసుకొచ్చింది. ఏడాది కాలపరిమితితో కూడిన ఈ ప్లాన్‌ రూ.3,499కి రోజుకు 3జీబీ డేటాతో లభిస్తుందని తెలిపింది. రోజుకు 3జీబీ పరిమితి దాటిన తర్వాత ఇంటర్నెట్ స్పీడ్ 64కేబీపీఎస్‌కి తగ్గిపోతుంది. అలాగే, అపరిమిత వాయిస్ కాల్స్, రోజుకు 100 ఎస్ఎంఎస్‌లు ఉచితంగా లభిస్తాయని వివరించింది. అంతేకాకుండా, అదనంగా డిస్నీ పల్స్ హాట్‌స్టార్ వీఐపీ సబ్‌స్క్రిప్షన్ ఏడాది పాటు ఉచితంగా అందించనున్నట్టు, జియో టీవీ, జియో న్యూస్, జియో సినిమా, జియో క్లౌడ్, జియో సెక్యూరిటీస్ సేవలను ఉచితంగా పొందవచ్చని తెలిపింది. దీంతో పాటు మరో రెండు ప్లాన్‌లను కూడా రిలయన్స్ జియో ప్రకటించింది. రూ. 2,599 ప్లాంట్ ద్వారా ఏడాది పాటు రోజుకు 2జీబీతో 4జీ డేటా లభిస్తుందని, ఇందులో కూడా అపరిమిత వాయిస్ కాల్స్, 100 ఎస్ఎంఎస్‌లు పొందవచ్చు. అదనంగా 10జీబీ 4జీ డేటా కూడా ఉంటుందని పేర్కొంది. అలాగే, డిస్నీ ప్లస్ హాట్‌స్టార్ సబ్‌స్క్రిప్షన్ ఏడాది వరకు ఉచితంగా అందించనున్నారు. ఇక చివరిగా, రూ. 2,399 ప్లాన్‌ను ఏడాది కాలపరిమితితో 2జీబీ డేటా లభిస్తుంది. ఇందులోనూ అపరిమితంగా వాయిస్ కాల్స్‌తో పాటు వంద ఎస్ఎంఎస్‌లు అందించనున్నారు. ఈ ప్లాన్‌లో జియో న్యూస్, జియో టీఎవీ సహా మిగిలిన జియో సేవలను మాత్రమే ఉచితంగా అందిస్తోంది.