IPL 2021 : డేట్ ఫిక్స్.. మళ్లీ దుబాయ్‌లోనే ఐపీఎల్

దిశ, వెబ్‌డెస్క్: క్రికెట్ ప్రియులకు ఐపీఎల్-2021 (IPL 2021) సీజన్‌ నుంచి మరో గుడ్‌న్యూస్ వచ్చింది. కరోనా ప్రభావంతో భారత్‌లో అర్ధాంతరంగా ఆగిపోయిన ఐపీఎల్ సీజన్ 14 మిగిలిన మ్యాచ్‌లు సెప్టెంబర్ 19 నుంచి తిరిగి ప్రారంభం కానున్నాయి. భారత్‌లో నిర్వహించడం మేలు కాదని భావించిన బీసీసీఐ దుబాయ్‌లో మ్యాచ్‌ల నిర్వహణకు ఏర్పాట్లు చేస్తుంది. ఈ నేపథ్యంలోనే దుబాయ్ వేదికగా సెప్టెంబర్ 19 నుంచి మ్యాచులు మొదలుకానున్నాయి. అక్బోబర్ ‌ 10న ఫైనల్ మ్యాచ్ జరగనుంది. కాగా, ఇప్పటివరకు ఐపీఎల్‌‌ 14వ సీజన్‌లో 29 మ్యాచులు విజయవంతంగా ముగిశాయి. మే 2వ తేదిన అహ్మదాబాద్ వేదికగా పంజాబ్‌తో జరిగిన 29 మ్యాచ్‌లో ఢిల్లీ విజయం సాధించింది. ఇదే సమయంలో పలు జట్లలోని ఆటగాళ్లకు కరోనా సోకడంతో మ్యాచులు తొలుత రద్దు చేసినా.. చివరకు వాయిదా వేస్తూ బీసీసీఐ నిర్ణయం తీసుకున్న సంగతి తెలిసిందే.