ఇంటర్ కాలేజీలు ఓపెనయ్యేదెప్పుడో..

దిశ, న్యూస్ బ్యూరో: కరోనా వైరస్ వ్యాప్తి నేపథ్యంలో జూనియర్ కళాశాలల ఓపెనింగ్‌ను వాయిదా వేస్తున్నట్టు తెలంగాణ రాష్ట్ర ఇంటర్మీడియట్ విద్యామండలి ఆదివారం ప్రకటించింది. 2020-20 అకాడమిక్ క్యాలెండర్ ప్రకారం జూన్ 1న జూనియర్ కళాశాలలు ప్రారంభం కావాల్సి ఉన్నప్పటికీ కరోనా తీవ్రత వలన ఈ నిర్ణయం తీసుకున్నట్టు విద్యామండలి తెలిపింది. తదుపరి ఆదేశాలు వచ్చేవరకూ ప్రభుత్వ, ప్రైవేటు, ఎయిడెడ్, అన్-ఎయిడెడ్, కంపోజిట్ కళాశాలలు తెరవకూడదని ఓ ప్రకటనలో పేర్కొంది.