12 ఏళ్ల తర్వాత కుజుడు, గురు గ్రహాల కలయిక - ఈ రాశుల వారికి పట్టిందల్లా బంగారమే

దిశ, ఫీచర్స్: జ్యోతిష్యశాస్త్రం ప్రకారం గ్రహాలన్నీ ఒక నిర్దిష్ట విరామం అనంతరం రాశిచక్రాలను మారుస్తుంటాయి. ఇది మేషరాశి నుంచి మీనరాశి వరకు 12 రాశులపై శుభ, అశుభ ప్రభావాన్ని కలిగి ఉంటుంది. కాగా ఈ ఏడాది జులై నెల చాలా ప్రత్యేకమైంది. ఎందుకంటే జూలై 12న కుజుడు తన రాశిని మార్చి వృషభరాశి లోకి ప్రవేశిస్తాడు. ఈ రాశిలో బృహస్పతి గ్రహం ఇప్పటికే ఉంది.

జూలై 12న (శుక్రవారం).. శుక్రుడు తన యజమాని వృషభంలో బృహస్పతి, కుజ గ్రహాలను కలవనుంది. ఈ రెండు గ్రహాలు ఆగస్టు 26 వరకు కలయికలో ఉంటాయి. దాదాపు 12 ఏళ్ల క్రితం ఈ తరహా కూటమి ఏర్పడింది. జ్యోతిష్య శాస్త్రం ప్రకారం, బృహస్పతి, కుజుడు ఒకరికొకరు స్నేహితులు. అందువల్ల ఈ రెండు గ్రహాల కలయిక కొన్ని రాశి చక్రాలకు చాలా ప్రయోజనకరంగా ఉంటుంది. కుజుడు వృషభ రాశిలో కూర్చొని బృహస్పతి దగ్గరకు చేరుకుంటాడు. ఈ ఏడాది ప్రత్యేకత ఏమిటంటే.. సుమారు 12 ఏళ్ల తర్వాత గురు, కుజుడు కలుస్తున్నారు.  జ్యోతిష్య శాస్త్రం ప్రకారం వృషభ రాశిలో కుజుడు, గురు గ్రహం సంయోగం ఏర్పడటం వల్ల కొన్ని రాశుల వారికి మేలు జరుగుతుంది. సంపద పెరుగుతుంది. ఆర్థిక పరిస్థితి మెరుగవుతుంది. వ్యాపార పరంగా పనులన్నీ విజయవంతం అవుతాయి. మీ కెరీర్లో గొప్ప విజయాన్ని అందుకుంటారు. ఈ కలయిక ఏ రాశుల వారికి అదృష్టాన్ని తీసుకువస్తుందో తెలుసుకుందాం.

మేషం:

అంగారకుడు మేష రాశికి అధిపతి. బృహస్పతి మీ ఇంటికి అధిపతి. ఈ రెండు గ్రహాలు కూడా మీకు డబ్బును సంపాదించే మార్గాలను చూపిస్తాయి. ఈ కలయిక వల్ల మీరు ఆర్థికంగా లాభపడతారు. ఉద్యోగం మారాలనుకుంటే.. మీకు కావాల్సిన ప్రదేశం నుంచి ఆఫర్ వచ్చే అవకాశం ఉంది. ఈ రాశి వారికి పూర్వీకుల ఆస్తుల వల్ల కూడా లాభాలు వస్తాయి.

కర్కాటకం:

బృహస్పతి-కుజుడు గ్రహాల ప్రభావంతో పెండింగ్‌లో ఉన్న పనులన్నీంటిని పూర్తి చేస్తారు. కుటుంబ వాతావరణం బాగుంటుంది. తోబుట్టువుల నుంచి ప్రయోజనం పొందుతారు. ఆర్థిక పరిస్థితి కూడా బలపడుతుంది. ఈ రాశికి చెందిన వారు ప్రయాణాలు చేస్తే ప్రత్యేక ప్రయోజనాలు పొందుతారు.

సింహం:

కుజుడు, బృహస్పతి కలయిక సింహ రాశి వారికి అనేక విధాలుగా అదృష్టాన్ని కలిగిస్తుంది. కుజుడు, బృహస్పతి మీ రాశికి అధిపతి అయిన సూర్యుని స్నేహితులు. ఈ రెండింటినీ మీ కర్మ గృహంలో ఉంచడం వల్ల ఉద్యోగంలో ఉన్నత స్థాయికి చేరుకుంటారు. మీరు చేసిన పనికి గుర్తింపు లభిస్తుంది. పోటీ పరీక్షలకు సిద్ధమవుతున్న వ్యక్తులు మంచి ఫలితాలను పొందగలరు. మీ తండ్రితో మీ సంబంధం మరింత బలంగా మారుతుంది.

కన్య:

బృహస్పతి, కుజుడు కలయిక ఉంటుంది. అదృష్టం కన్యారాశి వారి వైపు ఉంటుంది. మీరు వ్యాపారవేత్త అయితే, ఒక పెద్ద డీల్ను పొందే అవకాశం ఉంటుంది. మీరు మీ పని విధానంలో అద్భుతమైన మార్పులను కూడా చూడవచ్చు. అయితే, ఇతరులకు హాని కలిగించే చర్యలకు దూరంగా ఉండాలి. ఈ సమయంలో అతిథులు మీ ఇంటికి వచ్చే అవకాశం ఉంది.

నోట్: పై వార్తలోని సమాచారం ఇంటర్నెట్ ఆధారంగా సేకరించబడింది. ఈ సమాచారాన్ని పరిగణనలోకి తీసుకునే ముందు జ్యోతిష్యులను సంప్రదించి పూర్తి వివరాలు తెలుసుకోగలరు. ‘దిశ’ ఈ విషయాలను ధృవీకరించడం లేదు.