నర్సంపేటలో ఆటో డ్రైవర్‌ను అభినందించిన సీఐ

దిశ, నర్సంపేట టౌన్: ప్రయాణికుడు మరిచిపోయి వదిలివెళ్లిన వస్తువుల సంచిని నిజాయతీగా అందజేశాడు ఓ ఆటో డ్రైవర్. పూర్తి వివరాల్లోకి వెళితే.. చెన్నారావుపేట మండలం బోజేర్వు గ్రామానికి చెందిన ఇట్టబోయిన దూడయ్య నెక్కొండ పట్టణంలో చెన్నారావుపేట మండలం కల్ నాయక్ తండా గ్రామ పంచాయతీకి చెందిన బాదావత్ భద్రు అనే ఆటో డ్రైవర్ ఆటో ఎక్కి చెన్నారావుపేట అడ్డ రోడ్ వద్ద దిగాడు. తనతో తెచ్చుకున్న వస్తువుల సంచిని ఆటోలో మరిచిపోయాడు. ఇది గమనించిన ఆటో డ్రైవర్ భద్రు నర్సంపేట పట్టణంలో పెట్రోలింగ్ చేస్తున్న పోలీసులకు అప్పగించాడు. దీంతో ఆ పోలీసులు అతని దగ్గర వివరాలు సేకరించారు. అనంతరం ఆ సంచిని సీఐ పులి రమేష్ సమక్షంలో ఇట్టబొయిన దూడయ్యకు అందజేశారు. ఈ సందర్భంగా ఆటో డ్రైవర్ భాదవత్ భద్రు నిజాయితీని అభినందించారు. ఈ కార్యక్రమంలో ఎస్సై శ్రీలక్ష్మి, పోలీస్ సిబ్బంది పాల్గొన్నారు.