విజయవాడలో భారీ వర్షం..

దిశ, వెబ్ డెస్క్ : వేసవిలో భానుడి ప్రతాపానికి జనాలు మధ్యాహ్నం ఇండ్లనుండి బయటకు రావడం లేదు. ఇప్పటికే వాతావరణ శాఖ తెలుగు రాష్ట్రాల్లో వర్షాలు పడే అవకాశం ఉందని ప్రకటించింది. అయితే విజయవాడ నగర వ్యాప్తంగా శుక్రవారం ఈదురుగాలులతో కూడిన భారీ వర్షం కురిసింది. దీంతో రోడ్లపై నీళ్లు నిలిచిపోయి వాహనదారులకు తీవ్ర ఇబ్బందులు తలెత్తాయి. అంతేకాకుండా కిలోమీటర్ల మేర ట్రాఫిక్ జామ్ అవడంతో.. రంగంలోకి దిగిన ట్రాఫిక్ పోలీసులు ట్రాఫిక్ ను క్రమబద్దీకరించారు.