దిశ, వెబ్‌డెస్క్ : బుధవారం ఇంగ్లాండ్, భారత్ మధ్య లీడ్స్‌లో మూడో టెస్టు మ్యాచ్ ప్రారంభమైంది. ఈ మ్యాచ్‌లో టీం ఇండియా ఘోరంగా విఫలమైంది. తొలి ఇన్నింగ్స్‌లో భారత బ్యాట్స్‌మెన్ చేతులెత్తేయడం వల్ల తొలిరోజు 78 పరుగులకే ఆలౌటైంది.

అనంతరం బ్యాటింగ్‌కు దిగిన ఇంగ్లాండ్.. వికెట్ కోల్పోకుండా 120 పరుగుల చేసింది. దీంతో స్టేడియంలోని ఇంగ్లాండ్ జట్టు అభిమానులు అత్యుత్సాహం ప్రదర్శించారు. ఈ క్రమంలో ఓవరాక్షన్‌తో బౌండరీ లైన్ వద్ద ఫీల్టింగ్ చేస్తున్న సిరాజ్​పైకి పింక్ కలర్​ బాల్‌ను విసిరారు.

అయితే అది అతడికి కొంచెం దూరంలో పడింది. అంతేకాకుండా ఎగతాళిగా సిరాజ్‌ను ఉద్దేశించి స్కోరు స్కోరు ఎంత?.. అంటూ ఇంగ్లాండ్​ అభిమానులు కొందరు గోల చేశారు. దీనికి అదే రీతిలో బదులిచ్చిన సిరాజ్.. 1-0 అంటూ చేతులతో చూపించాడు. ఇప్పటికే ఓ టెస్టు గెలిచిన భారత్.. ఈ టెస్టు సిరీస్‌లో 1-0 తో ఆధిక్యంలో ఉంది.

https://twitter.com/KohliChokaMarNa/status/1430582364292276229