స్పోర్ట్స్ కాంప్లెక్స్‎ను త్వరగా పూర్తి చేయాలి

దిశ, ముషీరాబాద్ : హైదరాబాద్ ముషీరాబాద్ డివిజన్‎లోని జీహెచ్ఎంసీ మల్టీపర్పస్ స్పోర్ట్స్ కాంప్లెక్స్ పనులను పూర్తి చేసి త్వరగా అందుబాటులోకి తీసుకురావాలని ఎమ్మెల్యే ముఠా గోపాల్ అధికారులను ఆదేశించారు. బుధవారం స్పోర్ట్స్ కాంప్లెక్స్‎ను స్థానిక కార్పొరేటర్ ఎడ్ల భాగ్యలక్ష్మీ యాదవ్, తదితర అధికారులతో కలిసి ఎమ్మెల్యే సందర్శించారు. అనంతరం భోలక్‎పూర్ డివిజన్‎లో టీఆర్ఎస్ నేత బింగి నరేందర్ ఆధ్వర్యంలో నిర్వహించిన పట్టభద్రుల ఓటర్ నమోదు కార్యక్రమంలో ఎమ్మెల్యే ముఠా గోపాల్ ముఖ్య అతిథిగా పాల్గొన్నారు.

ఈ సందర్భంగా ఎమ్మెల్యే ముఠా గోపాల్ మాట్లాడుతూ.. త్వరలో జరగబోయే పట్టభద్రుల ఎమ్మెల్సీ ఎన్నికల్లో టీఆర్ఎస్ అభ్యర్థిని భారీ మెజార్టీతో గెలిపించేందుకు కార్యకర్తలు కృషి చేయాలని సూచించారు. అర్హులైన పట్టభద్రులందరినీ ఓటర్లుగా తప్పక నమోదు చేయించాలని కార్యకర్తలకు సూచించారు.